တီကောင်ကို တစ်ဝက်ဖြတ်လိုက်ရင် နှစ်ကောင်ဖြစ်သွားတယ်ဆိုတာမျိုး ငယ်ငယ်တုန်းက ကြားဖူးကြမယ် ထင်ပါတယ်။ ဒါပေမယ့် တီကောင်ပုံစံလို တိရစ္ဆာန်ကောင်တွေကို ဒီဟာက တကယ်ဟုတ်မဟုတ် သွားစမ်းကြည့်ရင်တော့ စိတ်ပျက်မှုတွေပဲရပါလိမ့်မယ်။ ဒါဆို တီကောင်တွေက တစ်ဝက်ဖြတ်ခံလိုက်ရရင် နှစ်ကောင်ဖြစ်သွားမှာလား။ အဖြေကတော့ ရှုပ်ထွေးပြီး တိရစ္ဆာန်အမျိုးအစားအပေါ်လည်း မူတည်ပါသေးတယ်။
တီကောင်တွေမှာ မျိုးစိတ်ပေါင်း ၁၈၀၀ လောက်ကို ရှိပါတယ်။ သူတို့မှာ ထူးခြားတဲ့ ခေါင်းနဲ့အမြီးရှိပါတယ်။ တီကောင်ရဲ့ ဦးခေါင်းတည်နေရာဟာ ခန္ဓာကိုယ်ကို ဝန်းရံထားပြီး clitellum လို့ခေါ်ကာ ဒီရောင်ရမ်းနေတဲ့ ကြိုးဝိုင်းနဲ့ အနီးဆုံးမှာ အမြဲတည်ရှိနေကြောင်း Washington Post သတင်းမှာ ဖော်ပြထားပါတယ်။
တကယ်လို့ တီကောင်က နှစ်ပိုင်းဖြစ်သွားရင် အကောင်သစ် နှစ်ကောင်ဖြစ်သွားတာမဟုတ်ပါဘူး။ Clitellum နောက်က အဖြတ်ခံလိုက်ရတဲ့တီကောင်ရဲ့ ခေါင်းဟာ အသက်ရှင်ပြီး သူ့ရဲ့အမြီးထိကို Regenerate (ပြန်လည်ဖွံ့ဖြိုး) စေပါတယ်။ ဒါပေမယ့် တီကောင်ရဲ့ အဖြတ်ခံလိုက်ရတဲ့ မူလအမြီးဟာ ခေါင်းအသစ်ပြန်မပေါက်လာပဲ သေသွားပါလိမ့်မယ်။
ဒါပေမယ့် Planarian Flatworm ဆိုတဲ့ တီကောင်ကမျိုးစိတ်ကတော့ ခန္ဓာကိုယ်တစ်ခုလုံးက အစိတ်အပိုင်းတွေကို ပြန်လည်ဖွံ့ဖြိုးနိုင်စွမ်းရှိပါတယ်တဲ့။ ဒီပြားလွှာလှတဲ့ တီကောင်မျိုးစိတ်ရဲ့ စွမ်းရည်ကို ၂၀၁၄ တုန်းက လေ့လာတွေ့ရှိခဲ့တာဖြစ်ပါတယ်။ သူတို့တွေဟာ အဖြတ်ခံလိုက်ရလို့ ပြန်ပေါက်လာတဲ့အခါ သူတို့ရဲ့ဦးခေါင်းအသစ်ဟာ အရင်က မှတ်ဉာဏ်တွေကို ထိန်းသိမ်းပေးနိုင်ကြောင်းပါ တွေ့ရှိခဲ့ပါတယ်။ ဒီကောင်တွေမှာ ဦးနှောက်တစ်သျှူးများ မရှိရင်တောင် သူတို့ဟာ မှတ်မိနိုင်ပါသေးတယ်။
သတင်း အရင်းအမြစ်៖ Livescience