အခြားသတ္တဝါတွေထက် လိင်အင်္ဂါအပိုပါရှိတဲ့ ခိုအာလာ

ချစ်စရာမျက်နှာနှင့် အပြစ်ကင်းသော မျက်လုံးများကိုပိုင်ဆိုင်ထားတဲ့ ခိုအာလာလေးတွေကို သင်တို့ တွေ့ဖူးကြမှာပါ။ ခိုအာလာ လေးတွေဟာ အခြားသတ္တဝါတွေထက် လိင်အင်္ဂါအပိုပါရှိတဲ့ ထူးထူးခြားခြား သတ္တဝါပဲ ဖြစ်ပါတယ်။ လိင်အင်္ဂါအပိုပါတာမှန်ပေမယ့် အထီးနှင့်အမနဲ့တောင်မတူပါဘူး။

ခိုအာလာအထီးတွင် ကြီးမားသော လိင်တံနှစ်ခုရှိပြီး ခိုအာလာအမတွေမှာ မိန်းမအင်္ဂါ(၃)ခု နှင့် သားအိမ်(၂)ခုပါရှိတာ ဖြစ်ပါတယ်။ ပြီးတော့ သတ္တဝါအများစုရဲ့ လိင်တံက အရှေ့တွေမှာပဲရှိကြပေမယ့်  ခိုလာအထီးရဲ့ လိင်တံက ထူးထူးခြားခြား ကပ်ပယ်အိတ်အနောက်မှာ ရှိတာ ဖြစ်ပါတယ်။

ခိုအာလာအမတွင် မိန်းမအင်္ဂါ (၃) ခုအနက် အပြင်ဘက်ရှိ အင်္ဂါနှစ်ခုမှာ အပေါ်ရှိ သားအိမ်(၂)ခုဆီကို သုတ်ပိုးများပို့ဆောင်ရန်အတွက် အသုံးပြုကြတာပါ။ သားပေါက်ဖွားရင်တော့ ကလေးများဟာ မိန်းမကိုယ်အလယ်မှ မွေးဖွားလာကြတာဖြစ်ပါတယ်။ ကိုအာလာအထီးနဲ့ အမကိုလည်း အလွယ်တကူခွဲခြားနိုင်ပါတယ်။ ကိုအာလာအထီးများဟာ ခန္ဓာကိုယ်ကြီးမားပြီး အမများက ခန္ဓာကိုယ်အရွယ်အစားသေးငယ်ကြတာ ဖြစ်ပါတယ်။

နောက်ထပ် ထူးခြားတာ တစ်ခုကတော့ ခိုအာလာလေးတွေဟာ တစ်နေ့ကို နာရီ ၂၀ အထိအိပ်စက်နိုင်ကြပါတယ်။ ဘာကြောင့်လဲဆိုတော့ သူတို့ရဲ့ စွမ်းအင်နည်းတဲ့ အစားအစာ နဲ့ အဆိပ်အတောက် အရွက်တွေကို ချေမှုန်းဖို့ လိုအပ်တဲ့ စွမ်းအင် ပမာဏ များပြားတာကြောင့် တစ်နေ့ကို နာရီ 20 အထိ အိပ်နိုင်ကြတာ ဖြစ်ပါတယ်။ အများအားဖြင့် ည (ညနေပိုင်း) နှင့် မိုးသောက်ယံအချိန်များမှာ ပိုပြီး သွားလာလှုပ်ရှားကြပါတယ်။

သတင်း အရင်းအမြစ်៖ Source - australianwildlifejourneys