အမြွှာများဟာ ရှားပါးလို့ သင်ထင်ကောင်းထင်နိုင်ပေမယ့် ယခုနောက်ပိုင်း ကမ္ဘာ့တစ်ဝှမ်းမှာ ယခင်ကထက် ပိုမိုမွေးဖွားလာကြပြီဖြစ်ပါတယ်။ ပထမဆုံး ကမ္ဘာလုံးဆိုင်ရာ လေ့လာတွေ့ရှိချက်အရ ကမ္ဘာတစ်ဝှမ်းမှာ နှစ်စဉ်အမြွှာ ၁.၆ သန်းခန့် မွေးဖွားခဲ့ရာမှာ ကမ္ဘာလုံးဆိုင်ရာ အမြွှာမွေးဖွားနှုန်းဟာ ၁၉၈၀ ပြည့်လွန်နှစ်များမှစပြီး သုံးပုံတစ်ပုံအထိ မြင့်တက်ခဲ့တာကြောင့် လွန်ခဲ့ နှစ် ၃၀ ခန့်က ကလေးမွေးဖွားမှု ၁,၀၀၀ လျှင် ၉ ဦးနှုန်းမှ ၁၂ ဦးအထိ မွေးဖွားခဲ့ကြောင်း လေ့လာတွေ့ရှိရပါတယ်။
မှတ်တမ်းများအရ ၁၉၉၅ မှာ ၂.၅ ရာခိုင်နှုန်း၊ ၂၀၀၁ မှာ ၃ ရာခိုင်နှုန်း ၊ ၂၀၁၀ မှာ ၃.၃ ရာခိုင်နှုန်းထိရောက်လာခဲ့ပါတယ်။ ဆိုလိုတာက မွေးကင်းစ ကလေး ၃၀ မှာ တစ်ယောက်ဟာ အမြွှာဖြစ်ပါတယ်။ ပြီးတော့ အသက်ကြီးတဲ့ အမျိုးသမီးတွေမှာ အမြွှာတွေ ပိုရလေ့ရှိတာတွေ့ရပါတယ်။
နိုင်ငံအလိုက် အမြွှာမွေးဖွားမှုနှုန်းကို ကြည့်မယ်ဆိုရင်လည်း မြောက်အမေရိကမှာ အမြွှာမွေးဖွားမှုနှုန်းက ၇၁ ရာခိုင်နှုန်း ၊ အာရှမှာ ၃၂ ရာခိုင်နှုန်း တိုးလာကြောင်း ဆိုထားပါတယ်။ ဒီလေ့လာချက်တွေကို ကြည့်ခြင်းအားဖြင့် အမြွှာမွေးဖွားနှုန်းက ကမ္ဘာတစ်ဝှမ်းမှာ သိသိသာသာ တိုးလာတာ တွေ့ရပါတယ်။
သတင်း အရင်းအမြစ်៖ Source - bestlifeonline