မကြာသေးမီက၊ "Extraordinary Attorney Woo" ဟာသူ့ရဲ့ ကောင်းမွန်သော ဇာတ်ညွှန်းနဲ့ ထက်မြက်သော သရုပ်ဆောင်မှုများကြောင့် အထူးသဖြင့် အမျိုးသမီးဇာတ်ဆောင်ဖြစ်သည့် Park Eun Bin ရဲ့ ပြောင်မြောက်သော စွမ်းဆောင်ရည်တွေကြောင့် ကိုရီးယားရုပ်ရှင်လောကကို လွှမ်းမိုးနိုင်ခဲ့ပါတယ်။
စီးရီးဟာ အစပိုင်းမှာတော့ အာရုံစိုက်မှုများစွာမရရှိခဲ့ပေမယ့် တဖြည်းဖြည်းကြည့်ရှုသူများလာကာ ဇာတ်ကားကောင်းအဖြစ် လျင်မြန်စွာ သက်သေပြနိုင်ခဲ့ပါတယ်။ ရလဒ်အနေနဲ့ကတော့ နိဂုံးမချုပ်ရသေးပေမယ့် ပရိသတ်တော်တော်များများက Season 2 ကို တောင်းဆိုနေကြပါပြီ။
အခုလိုတောင်းဆိုချက်တွေအပေါ် ဒါရိုက်တာက ထုတ်လုပ်ရေးစင်မြင့်မှာ နောက်တစ်ခါပြန်ပေါ်လာနိုင်ပေမယ့် စီးရီးအသစ်ပြန်လုပ်ဖို့က အများကြီးလိုတယ်လို့ ပြောပါတယ်။ ဒါရိုက်တာ Yoo In Sik ရဲ့ အဆိုအရ ဒရာမာတစ်ကားရဲ့ အဆင့်သတ်မှတ်ချက်များဟာ သူ့ရဲ့ Season 2 အတွက် အရေးကြီးပါတယ်။
ဒါ့အပြင်၊ သရုပ်ဆောင်တွေအားလုံးကို ထပ်မံစုစည်းပြီး နောက်ထပ်ရိုက်ကူးမှုလုပ်ဖို့အတွက် သူတို့ရဲ့အချိန်ဇယားနှင့် ကိုက်ညီဖို့ ခက်ခဲပါတယ်။ ဇာတ်ဆောင်မင်းသား Kang Tae Oh ဟာဆိုရင် ယခုနှစ်အတွင်း စစ်မှုထမ်းတော့မှာဖြစ်ပြီး ဇာတ်ဆောင်မင်းသမီးအဖြစ် သရုပ်ဆောင်ခဲ့တဲ့ Park Eun Bin ဟာလည်း သူမရဲ့နောက်ထပ်ပရောဂျက်အတွက် ဆွေးနွေးမှုများ ပြီးဆုံးသွားပြီဖြစ်ကြောင်း သိရပါတယ်။
ဒါ့ကြောင့် ဒါရိုက်တာက"Extraordinary Attorney Woo" ရဲ့ Season 2 အတွက် Kang Tae Oh ရဲ့အခြေအနေအတွက် စိန်ခေါ်မှုတစ်ခုဖြစ်လာမှာဖြစ်ပြီး Kang Tae Oh နေရာကို အစားထိုးလိုက်တာက လူတော်တော်များများကို စိတ်ပျက်စေမှာဖြစ်တယ်လို့ ပြောခဲ့ပါတယ်။
တစ်ဖက်မှာလည်း ထုတ်လုပ်ရေးအဖွဲ့ဟာ Kang Tae Oh ကို season 2 အတွက် စောင့်ဆိုင်းနေပါက ဒရာမာ၏ရေပန်းစားမှုသည် အလွန်လျော့ကျသွားမှာဖြစ်ကြောင်း ထောက်ပြတာတွေလည်း ရှိနေပါတယ်။
Photos-credit
Source- KBIZOOM