ပညာရှင်‌တွေ တွေ့ရှိခဲ့တဲ့ ကမ္ဘာပေါ်မှာ အထီးအကျန်ဆုံး သတ္တဝါ

ဘယ်သူမှနားမလည်နိုင်တဲ့ ဘာသာစကားကို သင်တစ်ယောက်တည်းပြောနေရခြင်းရဲ့ အထီးကျန်မှုကို စိတ်ကူးကြည့်လိုက်ပါ။ အခြားဝေလငါးများ မသိနိုင်တဲ့ ဘာသာစကားဖြင့် ဆက်သွယ်ပြောဆိုတဲ့ ဝေလငါးတစ်မျိုးကို သုတေသီများက လေ့လာလျက်ရှိသည်။ ဒီဝေလငါးဟာ သူ့အပေါ် နားလည်ပေးမယ့် သူငယ်ချင်းကို ရှာဖွေနေတာ ဆယ်စုနှစ် နှစ်ခုကျော် ကြာခဲ့ပါတယ်။

ဝေလငါးတွေဟာ သူတို့ရဲ့သီချင်းတွေကြောင့် နာမည်ကြီးပါတယ်။ တစ်ခါတစ်ရံ ရှုပ်ထွေးပြီး တစ်ခါတစ်ရံ ရိုးရှင်းတဲ့ သီချင်းများဟာ သူတို့ရဲ့ တစ်ခုတည်းသော ဆက်သွယ်မှုနည်းလမ်းဖြစ်ပါတယ်။ ဒါပေမယ့် ဒီဝေလငါးဆီကထွက်လာတဲ့ အသံဟာ တခြားဝေလငါးတွေနဲ့ လိုက်လျောညီထွေ မရှိတာကြောင့် ဘယ်သူမှ မကြားနိုင်၊ နားမလည်နိုင်ကြပါဘူး။

သိပ္ပံပညာရှင်အဖွဲ့တစ်ဖွဲ့ဟာ ဒီဝေလငါးကို နားထောင်ခဲ့တာဟာ ဆယ်စုနှစ် နှစ်ခုကျော်ရှိပြီဖြစ်ပါတယ်။ သူဟာ Fin သို့မဟုတ် အပြာရောင် ဝေလငါးလို့ ယုံကြည်ကြပါတယ်။ ဘယ်မျိုးစိတ်ပဲဖြစ်ပါ‌စေ သူဟာ လများစွာအတွက် အဖော်ရှာနေခဲ့ပါတယ်။ သူ့ရဲ့ အသံမြင့်သီချင်းဟာ အခြားဝေလငါးများနှင့် အလွန်ကွာခြားတာကြောင့် ခင်မင်ရင်းနှီးမှုတောင်းဆိုမှုများဟာ နားမကြားသူများဆီ ရောက်နေသလိုဖြစ်နေပါတယ်။ သုတေသီများဟာ ဒီသတ္တဝါကို 'ကမ္ဘာပေါ်မှာ အထီးကျန်ဆုံး ဝေလငါး' လို့ အမည်ပြောင်ပေးထားပါတယ်။

သူရဲ့သီချင်းကို 1989 ခုနှစ်မှာ မြောက်ပစိဖိတ်သမုဒ္ဒရာရဲ့ ကျယ်ပြောလှတဲ့ ပစိဖိတ်သမုဒ္ဒရာမှာ ပထမဆုံးရှာဖွေတွေ့ရှိခဲ့ပါတယ်။ ရေငုပ်သင်္ဘောများ ရိုက်ကူးနေစဉ်တွင် အမေရိကန်ရေတပ်ဟာ ဝေလငါးများရဲ့ မမှားနိုင်တဲ့ ဆူညံသံကို မတော်တဆ ကောက်ယူမိခဲ့ပါတယ်။ ဒေါက်တာ William Watkins ဟာ အသံများကို လေ့လာခဲ့ပြီး ဝေလငါးတစ်ကောင်ရဲ့ သီချင်းဟာ အခြားသူများနှင့် လုံးဝမတူကြောင်း သတိပြုမိခဲ့ပါတယ်။ အထီးဖြစ်တဲ့ ဒီဝေလငါး Fin သို့မဟုတ် အပြာရောင် ဝေလငါးဟာ လူ့နားအတွက် အလွန်နက်တဲ့ ကြိမ်နှုန်းဖြင့် ဆက်သွယ်ပါတယ်။

ဒီ 'အထီးကျန်' ဝေလငါးဟာ သုံးဆပိုမြင့်သော ကွင်းထဲမှာ သီဆိုပါတယ်။ အဲ့လို မထင်မရှားတဲ့ သီချင်းဟာ အခြားဝေလငါးများထံမှ တုံ့ပြန်မှုမရရှိပါဘူး။ သူတစ်ယောက်တည်းပဲ ဖြစ်နေဖြစ်နေ ဒါမှမဟုတ် အထီးပဲ ကျန်နေကျန်နေ ဒီတစ်ကိုယ်တည်းနေတဲ့ သတ္တဝါက တူညီတဲ့ဘာသာစကားပြောတတ်တဲ့ ဝေလငါးတစ်ကောင်ကို သမုဒ္ဒရာထဲမှာ ဆက်လက်ရှာဖွေနေပါလိမ့်မယ်။

သတင်း အရင်းအမြစ်៖ Deep English