တံငါသည်တောင် အံ့အားသင့်ခဲ့ရတဲ့ ကြောက်မက်ဖွယ်ရာ ငါးမျိုးစိတ်

ဖရန်ကင်စတိန်း ငါးလို့ အမည်ပေးထားတဲ့ ထူးဆန်းသောအသွင်အပြင်ရှိ ငါးတစ်ကောင်ကို ဖမ်းမိပြီးနောက် တံငါသည်တစ်ဦးဟာ တုန်လှုပ်ခဲ့ရပါတယ်။ Roman Fedortsov ဆိုတဲ့ တံငါသည် အမျိုးသားဟာ ရုရှားနိုင်ငံ အနောက်မြောက်ပိုင်းရှိ Murmansk က ငါးဖမ်းသင်္ဘောပေါ်မှာ အလုပ်လုပ်နေစဉ်အတွင်း ကြောက်မက်စရာကောင်းတဲ့ အရာတွေ ကို ရှာတွေ့ခဲ့ပါတယ်။ အဲ့ဒါကတော့ တစ်သက်မှာတစ်ခါတောင် မြင်တွေ့ရခဲတဲ့ ထူးဆန်းတဲ့ ငါးမျိုးစိတ်ပါ။

ပင်လယ်ပြင်မှာ သူအလုပ် လုပ်လာတဲ့ သက်တမ်းတစ်လျှောက်မှာ ဒီလိုငါးမျိုးစိတ်တွေကို မမြင်ဖူးခဲ့ပါဘူး ။ ဒါပေမယ့် ယခုတွေ့လိုက်ရတဲ့ ငါးမျိုးစိတ်ကတော့ တကယ့်ကို အံ့သြခဲ့ရသလို တုန်လှုပ်ခြောက်ခြားစရာလည်း ဖြစ်ခဲ့ရတယ်လို့ ဆိုပါတယ်။ သူတွေ့ရှိခဲ့တဲ့ ငါးမျိုးစိတ်ကိုလည်း Instagram မှာ ဖော်ပြခဲ့ပြီး ခဏလေးအတွင်းမှာ လိုက်ခ်ပေါင်း ၅၀၀၀ ကျော် ရရှိခဲ့ပါတယ်။

ငါးပုံတွေကို ကြည့်ရှုခဲ့သူတချို့ကတော့ ထူးဆန်းတဲ့အသွင်အပြင်‌တွေကြောင့် "ကာတွန်းငါးနဲ့တူတယ်" ဆိုပြီး မှတ်ချက်ပြုခဲ့ကြပါတယ်။ အချို့ကလည်း ဒီငါးနဲ့ ပတ်သက်ပြီး သီအိုရီများစွာ ထုတ်ခဲ့ကြပါတယ်။ အဆိုပါ ငါးမျိုးစိတ်ပုံမှာ ပုံမှန်မဟုတ်တဲ့ ဆူးတောင်များ၊ ကြောက်မက်ဖွယ်ကောင်းတဲ့ သရဲမျက်လုံးနှင့် ရှည်လျားတဲ့အမြီးများပါရှိတာ တွေ့ရပါတယ်။

သတင်း အရင်းအမြစ်៖ Source - Daily Star