အောက်ဆီဂျင်ဆိုတဲ့ အသံကြားတိုင်း ရင်ထဲမှာ တစ်ဆို့ဆို့ကြီးဖြစ်လာပြီး မွန်းကြပ်လာတဲ့အထိ နာကျင်နေရကြောင်း ရင်ဖွင့်လာတဲ့ ညီထွဋ်ခေါင်

သရုပ်ဆောင် ညီထွဋ်ခေါင်ရဲ့ ကောင်မလေးဟာ ဇူလိုင်လ (၁၀) ရက်နေ့တွင် နှလုံးရပ်ပြီး ရုတ်တရက်ကွယ်လွန်သွားခဲ့တာ ဖြစ်ပါတယ်။ ပရိသတ်များသာမကဘဲ အနုပညာအသိုင်းအဝိုင်းမှ ညီအစ်ကိုမောင်နှမများကလည်း ဒီသတင်းကြားကြားချင်း ညီထွဋ်ခေါင်ရဲ့အကြီးမားဆုံး ဆုံးရှုံးမှုအတွက်  ဝမ်းနည်းခဲ့ကြတာ ဖြစ်ပါတယ်။ သူ့ရဲ့ ကောင်မလေးဟာ အနုပညာလောကမှ မဟုတ်ပေမယ့်လည်း လူချစ်လူခင်ပေါများသူ တစ်ယောက်ဖြစ်ပါတယ်။

ညီထွဋ်ခေါင်ရဲ့ သူငယ်ချင်းတွေအပေါ်မှာလည်း တကယ့် မောင်နှမအရင်းတွေလို ကူညီစောင့်ရှောက်ပေးခဲ့သူ ဖြစ်ပါတယ်။ တန်ဖိုးထားချစ်ရတဲ့ ချစ်သူလေး ကွယ်လွန်သွားတဲ့အတွက် ညီထွဋ်ခေါင်တစ်ယောက် ဖြေမဆည်နိုင်အောင် ဝမ်းနည်းနေပြီး သူ့ရဲ့ ခံစားချက်တွေကိုလည်း လူမှုကွန်ယက်ကနေတစ်ဆင့် ရင်ဖွင့်ရေးသားနေတာ ဖြစ်ပါတယ်။ သူ့ရဲ့ကောင်မလေးဟာ အောက်ဆီဂျင်အလုံအလောက်မရရှိခဲ့တဲ့အတွက် အခုလို အဖြစ်ဆိုးမျိုးနဲ့ ကြုံတွေ့ခဲ့ရတာပါ။

ညီထွဋ်ခေါင်ကလည်း " အောက်ဆီဂျင်ဆိုတဲ့ အသံကြားတိုင်း ရင်ထဲမှာ တစ်ဆို့ဆို့ကြီးဖြစ်လာပြီး မွန်းကြပ်လာတယ် မေရယ် ?? " ဆိုပြီး ရင်နင့်ဖွယ် ကောင်းလောက်အောင် ရေးသားထားတာ ဖြစ်ပါတယ်။ ကိုယ်ချစ်ရသူနဲ့သေကွဲကွဲရတဲ့အဖြစ်ဟာ  အတော်လေးကို ဝမ်းနည်းနာကျင်စရာလွန်းလှပါတယ်။ ဒါ့ကြောင့် အနားမှာ အတူရှိနေတုန်း တန်ဖိုးထားချစ်ခင်ကြပါလို့ တိုက်တွန်းရင်း ဒီသတင်းလေးကို ဝမ်းနည်းခြင်းများစွာဖြင့် တင်ဆက်ပေးလိုက်ရပါတယ်။

Source and Photo Crd-Nyi Htut Khaung’s Facebook Account