သရုပ်ဆောင် ဝေဠုကျော်ကတော့ အနုပညာလှုပ်ရှားမှုတွေ သိပ်မတွေ့ရတော့ဘဲ ပြည်သူတွေအတွက် ပရဟိတလုပ်ငန်းတွေကိုသာ ကြိုးစားဆောင်ရွက်ပေးနေတာလည်း ဖြစ်ပါတယ်။ ကိုယ်ပိုင်ဖောင်ဒေးရှင်းအသင်းကို တည်ထောင်ပြီး အကူအညီလိုတိုင်း အဆင်ပြေအောင် ဆောင်ရွက်ပေးနေသူဖြစ်တာကြောင့် ပရိသတ်တွေကပါ ချီးကျူးနေကြတာလည်း ဖြစ်ပါတယ်။
လူထုလှုပ်ရှားမှုမှာပါဝင်ရင်း ဒဏ်ရာရရှိခဲ့တဲ့ ပြည်သူတွေအတွက်လည်း သူ့ရဲ့ အဖွဲ့ဝင်များနှင့်အတူ ရှေးဦးသူနာပြုကုသမှုဖြင့် medical cover လုပ်ဆောင်ပေးနေတာလည်း ဖြစ်ပါတယ်။ အခုမှာလည်း ရခိုင်ပြည်နယ်မှာရှိတဲ့မြောက်ဦးမြို့နယ် တိမ်ညိုစစ်ဘေးရှောင်စခန်းတွင် မီးဘေးသင့်ခံခဲ့ရတဲ့ ပြည်သူတွေအတွက် လိုအပ်တဲ့အကူအညီတွေ ထောက်ပံ့လှူဒါန်းခဲ့ကြောင်းကို သူ့ရဲ့ လူမှုကွန်ယက်စာမျက်နှာတွင် အခုလို ရေးသားထားတာပဲ ဖြစ်ပါတယ်။
" 19-3-2021
ရခိုင်ပြည်နယ်၊ မြောက်ဦး က မီးဘေးသင့်ခံခဲ့ရသည့်
တိမ်ညို တိုက်ပွဲရှောင် စခန်း အိမ်ခြေ ၆၆၃ အိမ် အတွက်
ကူညီထောက်ပံ့ပေးပို့ရန် ဒီနေ့ ဒုတိယနေ့ အဖြစ်
ထပ်မံ ထုတ်ပိုး ပြင်ဆင်ပါတယ်။
မီးဘေးသင့် ရခိုင် တိုက်ပွဲရှောင် ပြည်သူများအတွက်
စေတနာရှင် အလှူရှင်များအနေဖြင့် ဝိုင်းဝန်းကူညီထောက်ပံ့ပေးကြရန် တိုက်တွန်းနှိုးဆော်အပ်ပါတယ်။ " ဆိုပြီးလှူဒါန်းဖို့ပြင်ဆင်နေတဲ့ ပုံရိပ်တွေကိုလည်း ဝေမျှပေးတာကြောင့် ပရိသတ်တွေလည်း သိရှိစေရန် ဒီသတင်းလေးကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Wai Lu Kyaw Foundation’s Facebook Page