ဘယ်တော့မှလဲကျမသွားတဲ့ ပစ်တိုင်းထောင်လိုစိတ်ဓာတ်မျိုးနဲ့ အသက်ကိုရင်းပြီး နွေဦးတော်လှန်ရေးကို ရဲရဲရင့်ရင့်ဆင်နွှဲနေတဲ့ ထူးအောင်

မြန်မာပြည်သူပြည်သားတွေကတော့ သူတို့ရဲ့အနာဂတ်ရည်မှန်းချက်တွေမပျက်သုန်းသွားဖို့အတွက် ရဲရင့်တဲ့အာဇာနည်စိတ်ဓာတ်တွေနဲ့ နွေဦးတော်လှန်ရေးကို တက်တက်ကြွကြွဆင်နွှဲလျက်ရှိနေခဲ့ပါတယ်။ အခက်အခဲတွေများစွာရင်ဆိုင်နေရတဲ့ ပြည်သူတွေကို တတ်နိုင်သလောက်ဝိုင်းဝန်းကူညီပေးရင်း လက်တွဲညီညီနဲ့ လိုချင်တဲ့ပန်းတိုင်ဆီကို အရောက်လှမ်းနေကြတာပဲဖြစ်ပါတယ်။ပြည်သူတွေကတော့ နေ့ခင်းဘက်တွေရော ညဘက်တွေမှာပါဆီမီးတွေထွန်းပြီး နွေဦးတော်လှန်ရေးကို ဆက်လက်ပြုလုပ်နေကြပါတယ်။

အမှန်တရားဘက်ကနေ ပြည်သူတွေနဲ့အတူ မားမားမတ်မတ်ရပ်တည်နေတဲ့ ထူးအောင်ကတော့ နွေဦးတော်လှန်ရေးကို စိတ်အားထက်သန်မှုအပြည့်နဲ့ တက်တက်ကြွကြွပါဝင်လုပ်ဆောင်နေတဲ့ ပြည်သူချစ်အနုပညာရှင်တစ်ယောက်ပဲဖြစ်ပါတယ်။ ယခုမှာတော့ ထူးအောင်တစ်ယောက်ဟာ ဘယ်တော့မှလဲကျမသွားတဲ့ ပစ်တိုင်းထောင်လိုစိတ်ဓာတ်မျိုးနဲ့ အသက်ကိုရင်းပြီး နွေဦးတော်လှန်ရေးကို ရဲရဲရင့်ရင့်ဆင်နွှဲနေခဲ့ပါတယ်။

သူကတော့ " ပစ်တိုင်းထောင်တိုက်ပွဲ မင်းတို့ပစ်လိုက်တိုင်း လဲမသွားတဲ့ ပစ်တိုင်းထောင် လေးတွေ တက်စွမ်းသလောက် နည်းလမ်းတွေရှာ၊ကိုယ်တက်နိုင်တဲ့ အသက်လေး ရင်းကာချ၊ ပုံပြင်လေးအဆုံးမှာ သတိရပေးပါကွာ အရေးတော်ပုံ အောင်ရမည် " ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ နွေဦးတော်လှန်ရေးပြုလုပ်နေတဲ့ ပြည်သူတွေအားလုံးဘေးရန်အသွယ်သွယ်မှာ ကင်းဝေးကြပါစေကြောင်းဆုတောင်းမေတ္တာပို့သပေးလိုက်ရပါတယ်။

Source: Htoo Aung ' s Facebook Acc