အကြီးအကျယ်အောင်မြင်နေချိန် မူပိုင်ခွင့်အငြင်းပွားမှုနဲ့ တရားစွဲခံထားရတဲ့ Top Gun:Maverick

https://s9.kh1.co/fa/fa77ffd58d1bd043b203814869ab54173ae1cc59.jpg
ဖျော်ဖြေရေးများ
 07-Jun-2022 10am · 4 months ago

Paramount ကတော့ခေါင်းခဲနေလောက်ပါပြီ

Top Gun:Maverick ဟာBox Office မှာဝင်ငွေအများကြီးရရှိထားပြီး အကြီးအကျယ်အောင်မြင်နေချိန်မှာ ထုတ်လုပ်သူ Paramount အတွက်စိတ်မချမ်းသာစရာတစ်ခုပေါ်လာပါတယ်။အဲ့ဒါကတော့ ဇာတ်ကားရဲ့မူပိုင်ခွင့်အတွက် တရားစွဲခံထားရတာပါ။ဒါပေမဲ့ မူပိုင်ခွင့်ရှိသူက ကွယ်လွန်သွားပြီမလို့ သူ့ရဲ့ဆွေမျိုးတွေကသာ တရားစွဲထားတာဖြစ်ပါတယ်။

https://s9.kh1.co/__image/w=650,h=366,q=100/99/99c8e82eeccf3826d2cec105aa461a0659f3a770.png

စွဲဆိုသူကတော့ ၁၉၈၉ ခုနှစ်က Top Gun ရုပ်ရှင်မှီငြမ်းထားတဲ့ ဆောင်းပါးကိုရေးသားခဲ့သူ Ehud Yonay ရဲ့ ကျန်ရစ်ခဲ့တဲ့ဇနီး Shosh နဲ့ သားဖြစ်သူ Yuval Yonay တို့ပါ။သူတို့ဟာဆောင်းပါးရဲ့မူပိုင်ခွင့်ကိုရရှိဖို့ ၂၀၁၈ ခုနှစ်တုန်းကစကြိုးစားခဲ့ပြီး ၂၀၂၀ ခုနှစ်မှာရရှိခဲ့တယ်လို့သိရပါတယ်။Paramount ဟာ Top Gun:Maverick ထွက်ချိန်မှာတော့ သူတို့ကိုလုံးဝ မဆက်သွယ်ခဲ့ပါဘူးတဲ့။

https://s9.kh1.co/__image/w=576,h=395,q=100/22/22d0ded5a0eca316ac00143cfc6d1de4bd180439.png

ကယ်လီဖိုးနီးယားပင်မခရိုင်တရားရုံးကနေ စွဲဆိုထားတဲ့အမှုတွဲထဲမှာ ၂၀၂၀ ခုနှစ် ဇန်နဝါရီလကစပြီး ဇာတ်လမ်းရဲ့မူပိုင်ခွင့်ကို သူတို့ကရရှိခဲ့ပေမဲ့ Paramount ကအရေးမလုပ်ခဲ့ဘူးလို့ ဖော်ပြထားပါတယ်။Paramount ကတော့ ဒီစွပ်စွဲချက်ဟာ မမှန်ကန်ကြောင်း၊ကြံ့ကြံ့ခိုင်ခိုင်နဲ့ တရားရင်ဆိုင်သွားမှာဖြစ်ကြောင်း ထုတ်ပြန်ထားခဲ့ပါတယ်။

https://s9.kh1.co/__image/w=650,h=650,q=100/78/784a7997d2f2384c0d11cdfc1639d5f374cd6ff6.png

၁၉၈၃ ခုနှစ်မှာ ဆောင်းပါးရှင်ဟာ စစ်လေယာဥ်မှူးတွေရဲ့ ဘဝနေထိုင်မှုနဲ့ Cinematic ဖက်ရှင်ကိုဖော်ပြတဲ့ ဆောင်းပါးတစ်ပုဒ်ကိုရေးသားခဲ့ပြီး Paramount ကအဲ့ဒီဆောင်းပါးကိုရုပ်ရှင်ရိုက်ကူးဖို့ မူပိုင်ခွင့်ရယူခဲ့ပြီးနောက် Top Gun ရုပ်ရှင်ဟာ ၁၉၈၉ ခုနှစ်မှာထွက်လာခဲ့ပါတယ်။အဲ့တုန်းကမူပိုင်ခွင့်ကို Paramount က ၃၅ နှစ်အထိပိုင်ဆိုင်ခွင့်ရှိခဲ့ပါတယ်။

Ehud Yonay
Ehud Yonay

Paramount အနေနဲ့ ဇာတ်လမ်းပေါ်မူတည်ပြီး နောက်ထပ်ရုပ်ရှင်ရိုက်ချင်ရင် ခွင့်တောင်းသင့်ကြောင်း၊မူပိုင်ခွင့်ရှိနေပေမဲ့လည်း သက်တမ်းကုန်နေပြီမလို့ ပြန်တိုးဖို့လိုအပ်ကြောင်းYonay မိသားစုကပြောခဲ့ပါတယ်။သူတို့မူပိုင်ခွင့်စယူခဲ့ချိန်ကစပြီး Top Gun:Maverick ထွက်လာချိန်ဟာ ၃၉ နှစ်တောင်ကွာသွားပါပြီ။

Aung Pyae Sone
Aung Pyae

ဆက်စပ်သတင်း