တောင်ကိုးရီးယားရုပ်ရှင်လောကရဲ့ နာမည်ကြီးမင်းသားတစ်ယောက်ဖြစ်ပြီးတော့ ဟောလိဝုဒ်မှာပါနေရာရခဲ့သူဖြစ်တဲ့ မင်းသားကြီးမာဒုန်ဆော့ ဟာ လက်ထပ်ပွဲကျင်းပတော့မယ့်သတင်းကိုကြေညာခဲ့ပါတယ်။ Ye JungHwa နှင့် မာဒုန်ဆော့ဟာ အသက် ၁၇ နှစ်တောင်ကွာကြတဲ့စုံတွဲလေးဖြစ်ပါတယ်။
နှစ်ယောက်သားဟာ ချစ်သူဖြစ်နေကြောင်းကို ၂၀၁၆ ကတည်းကတရားဝင်ကြေညာပြီးတွဲနေခဲ့ကြတာဖြစ်ပါတယ်။ ၂၀၂၁ မှာတော့ လက်ထပ်မှတ်ပုံတင်ပြီး တရားဝင်ဇနီးမောင်နှံအဖြစ် နေထိုင်ခဲ့ကြပါတယ်။ လက်ထပ်ပွဲကို အခုမှလုပ်တာဖြစ်ပြီးတော့ မိသားစုဆွေမျိုးနှင့် အသိတွေကိုပဲဖိတ်သွားမှာဖြစ်တယ်လို့သိရပါတယ်။
မာဒုံဆော့ဟာ ရုပ်ရှင်အတော်များများကိုရိုက်ကူးခဲ့သူဖြစ်ပြီးတော့ ဒရာမာပရိတ်သတ်တွေပါ ရင်းနှီးကြတဲ့မင်းသားတစ်ယောက်ဖြစ်ပါတယ်။ Marvel ဇာတ်ကားနှင့် ဟောလိဝုဒ်ကားတစ်ချို့မှာပါ ပါဝင်ရိုက်ကူးဖူးတာကြောင့် အတော်လေးအောင်မြင်တဲ့မင်းသားတစ်ယောက်ဖြစ်ပါတယ်။ ဇနီးဖြစ်သူ ရဲဂျောင်ဟွာကလည်း မင်းသမီးတစ်ယောက်ပဲဖြစ်ပြီးတော့ နှစ်ယောက်သားအတူရိုက်ကူးထားတဲ့ရုပ်ရှင်လည်းရှိပါတယ်။
Bong I.T