၂၀၂၂ ခုနှစ်အတွက် Dota 2:The International ကိုစင်ကာပူမှာကျင်းပမယ်

https://s9.kh1.co/42/421aebb6c17c1401b60be4c3398553f5eef61204.jpg
E-Sports
 23-May-2022 12pm · a month ago

အောက်တိုဘာလမှာကျင်းပမှာလို့အတည်ပြုပြီးပါပြီ

နှစ်စဥ်ပုံမှန်ကျင်းပနေကျဖြစ်တဲ့ Dota 2 The International ပွဲတော်ကို ဒီနှစ်မှာလည်း အောက်တိုဘာလမှာကျင်းပပေးသွားမယ်လို့ အတည်ပြုလိုက်ပါပြီ။အရင်နှစ်တွေက အမေရိကန်၊ကနေဒါ၊တရုတ်၊ဂျာမနီနဲ့ ရိုမေနီးယားနိုင်ငံတို့မှာကျင်းပပေမဲ့ ဒီနှစ်တော့ထူးထူးခြားခြား စင်ကာပူနိုင်ငံမှာကျင်းပမှာပါ။The International ကိုပထမဆုံးအနေနဲ့ အရှေ့တောင်အာရှထဲမှာ ပြုလုပ်မှာဖြစ်ပါတယ်။

https://s9.kh1.co/__image/w=650,h=650,q=100/77/77a199a41aeff7009787a4bf6a14c60ce44fdf75.png

Valve ကဒီအကြောင်းကို Twitter ကနေတဆင့်ကြေညာခဲ့တာဖြစ်ပြီး အချိန်နဲ့နေရာကလွဲလို့ ကျန်တာဘာမှပြောထားခြင်းမရှိသေးပါဘူး။ပွဲဟာဆုကြေးငွေအများကြီးကို အသုံးပြုတာကြောင့် နာမည်ကြီးတာဖြစ်ပြီး ပြီးခဲ့တဲ့ ၂၀၂၁ ခုနှစ်ပွဲမှာတုန်းကအနိုင်ရရှိတဲ့အသင်းဟာ ဆုငွေအမေရိကန်ဒေါ်လာသန်း ၄၀ ထိရခဲ့ပါတယ်။ဆုငွေတွေဟာ တစ်နှစ်ထက်တစ်နှစ်ပိုပိုတိုးလာပြီး ဒီနှစ်အတွက်ဆုကြေးငွေကတော့ ဘယ်လောက်လဲမသိသေးပါဘူး။

ပြီးခဲ့တဲ့ ၂၀၂၀ ခုနှစ်ကဆွီဒင်နိုင်ငံ၊စတော့ဟုမ်းမြို့မှာ ကျင်းပဖို့စီစဥ်ခဲ့တဲ့ပွဲကို Covid-19 ကပ်ရောဂါကြောင့်မကျင်းပဖြစ်ခဲ့ပါဘူး။၂၀၂၁ ခုနှစ်က ဆွီဒင်မှာပဲပြန်ကျင်းပဖို့လုပ်ခဲ့ပေမဲ့လည်း အာဏာပိုင်တွေနဲ့အဆင်မပြေခဲ့တာကြောင့် မလုပ်ဖြစ်ခဲ့ပဲ ရိုမေနီးယားနိုင်ငံမှာပြုလုပ်ခဲ့ပေမဲ့ ရောဂါကန့်သတ်ချက်တွေကြောင့် ပရိသတ်တွေမပါပဲပြုလုပ်ခဲ့ရပါတယ်။ဒီနှစ်မှာလည်း မနှစ်ကလိုမျိုး ပရိသတ်တွေမပါပဲလုပ်မလားဆိုတာကိုတော့ မသိရသေးပါဘူး။

Aung Pyae Sone
Aung Pyae

ဆက်စပ်သတင်း