Heat Stroke ဆိုတာ အပူချိန်အပြင်းအထန် ခံစားရပြီး မြန်မာလိုတော့ အပူရှပ်ခြင်းလို့ သုံးကြတယ်။ အမှန်တကယ်ကတော့ အပူချိန်ကြောင့် ခန္ဓာကိုယ်ထဲမှာ ဦးနှောက်ထိခိုက်ပြီးတော့ ကယောင်ကတမ်းဖြစ်တဲ့ အခြေအနေမျိုးဖြစ်ပြီး အသက်အန္တရာယ်ရှိနိုင်ကိုတောင် ထိခိုက်စေနိုင်ပါတယ်။

ပူရှပ်ပြီဆိုတာနဲ့ အဲဒီလူရဲ့ ခန္တာကိုယ် အပူချိန်က ၁၀၃ ဒီဂရီဖာရင်ဟိုက် ထက်မြင့်မားနေပြီး နှလုံးခုန်နှုန်း မြန်နေမယ်၊ သတိလစ်နေမယ် ဒါမှမဟုတ် ကြောင်တောင်တောင်ဖြစ်နေမယ်၊  ချွေးမထွက်တော့ဘဲ ခြောက်သွေ့နေမယ်၊ အရေပြားတွေက နီရဲခြောက်သွေ့ပြီး ပူနေမယ် အဲဒီလိုလက္ခဏာတွေရှိနေပြီဆိုရင် အပူဒဏ်ကြောင့် အပူရှပ်တာဖြစ်ပါတယ်။

အပူရှပ်ပြီဆိုရင် ပူတဲ့နေရာက ရှောင်ကြဉ်ပြီး အေးမြတဲ့ နေရာတစ်ခုမှာ အနားယူသင့်ပါတယ်။ ဒီလိုမလုပ်နိုင်ဘူး ဆိုရင်တော့ အနီးအနားက အေးမြတဲ့ သစ်ပင်ရိပ်အောက်မှာ သွားနေသင့်ပါတယ်။ ပြီးရင်တော့ ရေနဲ့ဆား အရင်ဖြည့်ဖို့ ဓာတ်ဆားရည် အများကြီးသောက်သင်ပါတယ်။ Energy Drink တွေဖြစ်တဲ့ Shark၊ ကျွဲရိုင်းတွေ လူကိုလန်းဆန်းစေတဲ့ Stimulating Fluid တွေ လုံးဝ မသောက်သင့်ပါဘူး။

အပူလျှပ်ခြင်း ဖြစ်သွားရင်တော့ ဆေးရုံမှာ ကုသပေမယ့်လည်း ၁၀၀မှာ ၂၀ယောက်လောက်က သေတာပါပဲတဲ့။ ဒီတော့ ကြိုတင်ကာကွယ်ခြင်းဟာ မရှိမဖြစ်လိုအပ်တယ်။ ကာကွယ်တာလည်း မခက်ဘူး ဓာတ်ဆားရည် ကို ကိုယ့်အလုပ်ပေါ်မူတည်ပြီး သောက်ပေးနေရုံပါပဲ။

သွေးတိုးသမားတွေကတော့ ရေပဲ အဓိကထား သောက်သင့်ပါတယ်။ အဝတ်ကို ချောင်ချောင်ပါးပါးဝတ်ရမှာဖြစ်ပါတယ်။ အရမ်းလည်း အပင်ပန်းမခံဖို့ လိုပါသေးတယ်။ ဒီလိုဆိုရင် အပူလျှပ်ဖို့ မကြောက်ရတော့ပါဘူး။

Photo Credit : Google

Source : rush.edu