အိန္ဒိယနိုင်ငံတွင် မွေးဖွားလာတဲ့ မျက်စိသုံးလုံးရှိ နွားမတစ်ကောင်ကို ဟိန္ဒူဘုရားရှီဗာရဲ့ ဝင်စားခြင်းလို့ အခိုင်အမာဆိုကြကာ “မြင့်မြတ်သော အံ့ဖွယ်အမှုများ” လို့ အမည်ပေးခဲ့ပါတယ်။ ရှားပါးနွားသငယ်‌ေလးဟာ သူ့ရဲ့နဖူးနှင့် နှာခေါင်းပေါက်လေးခုတွင် အပိုမျက်လုံးတစ်ခုဖြင့် မွေးဖွားလာတာကြောင့် ဒေသခံများဟာ အံ့ဩသင့်ခဲ့ရပါတယ်။ အိန္ဒိယနိုင်ငံ Rajnandgaon ခရိုင်ရှိ Chhattisgarh ရွာမှ ဒေသခံ တစ်ချို့ က မျက်လုံးသုံးလုံး နွားသငယ်လေးဟာ နဖူးတွင် မျက်စိရှိတာ‌ေကြာင့် လူသိများတဲ့ ဘုရားသခင် Viswanatha ရဲ့ ဝင်စားတာဖြစ်ကြောင်း ဆိုကြပါတယ်။

နွားကိုကိုးကွယ်ရန် အနီးနားကျေးရွာများမှ လူအများအပြား စုပြုံရောက်ရှိလာကြပြီး ဒီနွားလေးဟာ Shiva ရဲ့မွေးဖွားခြင်းဖြစ်သည်ဟု ယုံကြည်ကြောင်း Sputnik က ဖော်ပြခဲ့ပါတယ်။ မျက်လုံးသုံးလုံးနှင့် နှာခေါင်းလေးပေါက်ဖြင့် မွေးဖွားလာတဲ့ ဒီတိရစ္ဆာန်ကို ဟိန္ဒူဘုရားနှင့် နှိုင်းယှဉ်ကြပေမယ့်လည်း တိရစ္ဆာန်ဆေးကုဆရာဝန်တစ်ဦးက ဒီနှိုင်းယှဉ်ချက်ကို သဘောမတူပါဘူး။ ဇန်န၀ါရီလ ၁၄ ရက်နေ့တွင် မွေးဖွားခဲ့တဲ့ နွားကလေးဟာ ဒေသ ယဉ်ကျေးမှု ဓလေ့ထုံးတမ်းအရ နံ့သာချောင်း၊ အုန်းသီးနှင့် ငွေများ ပူဇော်တဲ့ လူအုပ်ကြီးကို ဆွဲဆောင်နိုင်ခဲ့ပါတယ်။

ဟိန္ဒူ ရိတ်သိမ်းပွဲ ဖြစ်တဲ့ မကာ သင်္ကြန်မှာ စတင်ခဲ့တဲ့ အချိန်ဟာ တိုက်ဆိုင်မှု မဟုတ်ဘူးလို့ တချို့က ဆိုကြပါတယ်။ အိန္ဒိယသတင်းဌာန ANI နှင့် စကားပြောရာတွင် ရွာသူရွာသား Neelkumar Verma က "မျက်စိသုံးလုံးနဲ့နွားကို တခါမှ မတွေ့ဖူးပါဘူး။ အရှင် Shiva တစ်ပါးတည်းသာ ရှိပါတယ်။ အဲဒါက နတ်ဘုရားရဲ့ အံ့ဖွယ်အမှုပါ။" လို့ပြောပြခဲ့ပါတယ်။ တိရစ္ဆာန်ဆေးကုဆရာဝန် Kamlesh Chaudhary က သန္ဓေသားလောင်းရဲ့ ပုံမှန်မဟုတ်တဲ့ ဖွံ့ဖြိုးမှုကြောင့် ထိုသို့သောဖြစ်ရပ်များ ဖြစ်ပေါ်လာရခြင်းမှာ အံ့ဖွယ်ကောင်းသည်ဟု မယူဆသင့်ကြောင်း ပြောကြားခဲ့ပါတယ်။