အစားအသောက် ရှောင်ကြဉ်ခြင်း နှင့် ပြင်းထန်တဲ့ လေ့ကျင့်ခန်းတွေ လုပ်စရာမလိုဘဲ ကိုယ်အလေးချိန် လျှော့ချစေမယ့် နည်းလမ်းလေးတစ်ခု

ကျွန်တော်တို့တွေဟာ ကိုယ်အလေးချိန်ကျဆင်းဖို့အတွက် အစားအသောက် ရှောင်ရှားခြင်းများအပြင် ပြင်းထန်တဲ့ လေ့ကျင့်ခန်းတွေ လုပ်ဆောင်ပြီး ကိုယ်အလေးချိန် လျှော့ချနေကြတာ ဖြစ်ပါတယ်။ ယခုတစ်ခါမှာတော့ ကိုယ်အလေးချိန် လျှော့ချချင်တဲ့သူတွေအတွက် အလွယ်ကူဆုံး နည်းလမ်းတစ်မျိုးကို ပညာရှင်တွေက လေ့လာတွေ့ရှိခဲ့ပါတယ်။ ဒီနည်းလမ်းလေးကလည်း အိပ်ရတာကို ကြိုက်နှစ်သက်သူတွေအတွက် သဘောကျစေမှာပါ။

ဒါကတော့ တစ်ညလျှင် တစ်နာရီ (သို့မဟုတ်) ထို့ထက်ပိုပြီး အိပ်စက်မယ်ဆိုရင် ကိုယ်အလေးချိန် လျော့ကျစေဖို့ ကူညီပေးနိုင်တယ်လို့ ဆိုပါတယ်။ ဒီလေ့လာချက်တွေကို တနင်္လာနေ့က ထုတ်ဝေတဲ့ JAMA Internal Medicine ဂျာနယ်မှာ ဖော်ပြထားတာ ဖြစ်ပါတယ်။ လေ့လာတွေ့ရှိချက်မှာတော့ တစ်ညကို ၁ နာရီခန့်ပိုပြီး အိပ်စက်မယ်ဆိုရင် ကယ်လိုရီ ၁၅၀ ခန့် လျော့ကျစေပြီး သုံးနှစ်တာကာလအတွင်း ဒီလိုအိပ်စက်ဆိုရင် ကိုယ်အလေးချိန်ဟာ ၂၆ ပေါင်အထိ လျော့ကျစေနိုင်ကြောင်း သုတေသီများက တွေ့ရှိထားပါတယ်။ ချီကာဂိုတက္ကသိုလ်နှင့် Wisconsin-Madison တက္ကသိုလ်မှ သုတေသီများ ဦးဆောင်တဲ့ လေ့လာမှုအရ ယခုနောက်ပိုင်း လူအများစုဟာ တစ်ညလျှင် ၅ နာရီ ၊ ၆ နာရီလောက်သာ အိပ်ကြတယ်လို့ ဆိုပါတယ်။

U.S. ရောဂါထိန်းချုပ်ရေးနှင့် ကာကွယ်ရေးစင်တာများရဲ့ အဆိုအရ အသက် ၁၈ နှစ်ပြည့်ပြီးသူများဟာ တစ်ညလျှင် အနည်းဆုံး ၇ နာရီ အိပ်သင့်ပြီး မွေးကင်းစကလေးများနှင့် အခြားကလေးတွေကတော့ အသက်အရွယ်ပေါ်မူတည်ကာ တစ်ညလျှင် ၁၁ နာရီမှ ၁၆ နာရီကြားအထိ အိပ်သင့်တယ်လို့ ဆိုပါတယ်။ ဆယ်ကျော်သက်များကတော့ တစ်ညလျှင် ၈ နာရီမှ ၁၀ နာရီအထိ အိပ်သင့်တယ်လို့ CDC မှ အကြံပြုထားခဲ့ပါတယ်။ လုံလောက်တဲ့ အိပ်စက်ခြင်းကို ရရှိမယ်ဆိုရင် သွေးတိုးနဲ့ နှလုံးသွေးကြော ဆိုင်ရာရောဂါတွေကို လျော့ကျစေနိုင်ပါတယ်။

ယမန်နှစ်က ထုတ်ပြန်ခဲ့တဲ့ လေ့လာမှုတစ်ခုမှာလည်း လူလတ်ပိုင်းတွေစာ တစ်ညလျှင် ၆ နာရီထက်နည်းပြီး အိပ်စက်ခြင်းဟာ တွေးခေါ်မှု၊ မှတ်မိခြင်း နှင့် ဆင်ခြင်ခြင်းကဲ့သို့ မှတ်ဥာဏ်လုပ်ဆောင်နိုင်စွမ်းများဟာ ၃၀ % လောက် ပျက်စီးဆုံးရှုံးစေပါတယ်။ လေ့ကျင့်ခန်းတွေ မလုပ်ချင်းဘူး ၊ အစားအသောက်တွေ မရှောင်ကြဥ်ချင်တဲ့ သူတွေအတွက် ဒီနည်းလမ်းလေးကို သဘောကျစေမှာ အသေအချာပါ။

သတင်း အရင်းအမြစ်៖ Source - Good Morning America