ပါရာစီတမောကို နေ့စဉ် သောက်သုံးခြင်းကြောင့် ဖြစ်ပေါ်လာနိုင်တဲ့ အန္တရယ်

Edinburgh တက္ကသိုလ်မှ သုတေသီများက အကိုက်အခဲပျောက်ဆေး ပါရာစီတမောကို နေ့စဥ်သောက်သုံးခြင်းဟာ ရောဂါဝေဒနာရှင်များအတွက် နှလုံးဖောက်နိုင်ခြင်း (သို့မဟုတ်) လေဖြတ်နိုင်ခြင်း စတဲ့အန္တရာယ်ဖြစ်နိုင်ခြေကို ၂၀ ရာခိုင်နှုန်းအထိ တိုးမြင့်စေတယ်လို့ သတိပေးလာခဲ့ပါတယ်။ ဒါကြောင့် ဆရာဝန်များက ကိုက်ခဲနေသူတွေအတွက် အချိန်တိုတွင်းသက်သာစေမယ့် ဆေးကိုသာပေးသင့်ကြောင့် အကြံပြုထားပါတယ်။

စကော့တလန်ရှိ NHS ဆရာဝန် ဒေါက်တာ Iain MacIntyre ကတော့ ဒီသတိပေးချက်ဟာ ခေါင်းကိုက်ခြင်း သို့မဟုတ် အဖျားအတွက်ပါရာစီတမောကို ခဏတာအသုံးပြုသူတွေနဲ့ မသက်ဆိုင်ဘူးလို့ ပြောဆိုထားပါတယ်။ ဒါကလည်း ပုံမှန်အားဖြင့် နာတာရှည်ရောဂါတွေအတွက် အချိန်ကြာကြာ ပုံမှန်သောက်နေသူတွေ အတွက်သာ ဖြစ်ပါတယ်။

ဆေးပညာရှင်များကတော့ သွေးပေါင်ချိန်တက်တဲ့ နာကျင်မှုရှိသူများအတွက် ပါရာစီတမောကို မကြာခဏ ဆေးပေးလေ့ရှိပါတယ်။အရွယ်ရောက်ပြီးသူ ၁၀ ယောက်လျှင် ၁ ယောက်ဟာ ပါရာစီတမောကို ရေရှည်သောက်သုံးတာတွေ့ရှိရပါတယ်။ ကမ္ဘာပေါ်မှာ အသုံးအများဆုံး ဆေးဝါးဖြစ်တဲ့ ပါရာစီတမောဟာ နှလုံးရောဂါနဲ့ လေဖြတ်ခြင်းအတွက် အန္တရာယ်ဖြစ်စေနိုင်တဲ့ သွေးပေါင်ချိန်ကို တိုးစေတာကြောင့် ပါရာစီတမောကို ရေရှည်အသုံးပြုခြင်းကို ရှောင်ကြဉ်သင့်ပါတယ်။

သတင်း အရင်းအမြစ်៖ Source - The San