2022 မှာ ခေတ်စားလာမယ့် ဆံပင်အရောင် ၅ မျိုး

၂၀၂၂ မှာ စိတ်သစ်၊ လူသစ်နဲ့ စတိုင်အသစ် ဖြစ်ချင်ရင် ပြောင်းလဲသင့်တဲ့ထဲ ဆံပင်ပုံစံလည်း ပါပါတယ်။ ဆံပင်အတိုအရှည်၊ စတိုင်နဲ့ အရောင် နည်းနည်းကွာသွားရုံနဲ့ လူတစ်ယောက်လုံးရဲ့ ရုပ်ရည်သွင်ပြင်ပါ ပြောင်းလဲသွားနိုင်ပါတယ်။

အခုဖော်ပြပေးမှာကတော့ SHAPE မဂ္ဂဇင်းက နာမည်ကြီး hair stylist တွေနဲ့ တွေ့ဆုံပြီး ၂၀၂၂ မှာ ခေတ်စားမယ်လို့ ခန့်မှန်းထားတဲ့ ဆံပင်အရောင် ၅ မျိုးပဲ ဖြစ်ပါတယ်။

1. Platinum Blonde

ဆံပင်က ငွေရောင်သန်းနေတာမျိုးပါ။ အထူးသဖြင့် ဆွဲဆောင်မှုရှိတဲ့ ညှို့အားပြင်းလူတစ်ယောက် အသွင်ရစေပါတယ်။ မကြာသေးခင်ကမှ Megan Fox တစ်ယောက်က ဒီအရောင်နဲ့ ပရိသတ်တွေကို မှင်သက်စေခဲ့တာပါ။

2. Bronde

ဒါကတော့ ရွှေရောင်နဲ့ အညိုရောင် ပေါင်းထားတဲ့ ရွှေရောင် ပြေပြေလေး ဖြစ်ပါတယ်။ အထူးသဖြင့် ကိုယ်က အသားညိုလို့ blonde နဲ့ မလိုက်ဘူးထင်ရင် Bronde သာ ဆိုးချကြည့်လိုက်ပါ။ သူ့စတိုင်ကတော့ အောက်အဖျားလေးတွေကို ပိုနုတဲ့ရွှေရောင်လေး ဆိုးပါတယ်။

3. Ginger red

လူကြားထဲ ထင်းနေချင်ရင်တော့ အနီရောင်က ဆိုးကြည့်သင့်တဲ့ထဲ ပါပါတယ်။ အနီတောက်တောက်ကြီး မဟုတ်ဘဲ ကြေးနီရောင်လေးမို့ ​ကြောင်မှာ မပူနဲ့နော်။

4. High Contrast Color

ဒါကတော့ ဘာမှမဆိုင်တဲ့ နှစ်ရောင်ကို ပေါင်းဆိုးတာပါ။ Cruella ထဲက Emma Stone လိုပေါ့။ ဆန့်ကျင်ဘက် နှစ်ခုပေါင်းပြီး ထူးခြားသွားတဲ့ စတိုင်လေးပါ။ ၂၀၂၁ မှာ trend သွားပြီး ၂၀၂၂ မှာပါ ဆက်ခေတ်စားလိမ့်မယ်လို့ ခန့်မှန်းနေကြပါတယ်။

5. ဘယ်တော့မှ မရိုးတဲ့ Highlights

ဆံပင်ကို highlight ဖောက်တာကတော့ ဘယ်တော့မှ မရိုးတဲ့ စတိုင်ပါပဲ။ နောက်နှစ်အတွက်ကတော့ warm ဖြစ်တဲ့ ရွှေအိုရောင်လေးတွေ ပြန်ခေတ်စားလိမ့်မယ်လို့ ဆိုပါတယ်။