ကလေးတို့မေမေလို့ လူသိများတဲ့ ပရဟိတမင်းသမီး ခိုင်နှင်းဝေကတော့ ဘဝကိုတန်ဖိုးရှိရှိလျှောက်လှမ်းနေတဲ့ အနုပညာရှင်တစ်ဦးပဲ ဖြစ်ပါတယ်။ ပြည်သူ့ပရိသတ်တွေရဲ့ လေးစားအားကျရတဲ့ သူတစ်ဦးဖြစ်တာနဲ့အညီ ကိုယ့်အကျိုးထက် ပရဟိတ လုပ်ငန်းတွေကိုလည်း ကြိုးစားလုပ်ကိုင်နေတာ ဖြစ်ပါတယ်။ ခိုကိုးရာမဲ့နေတဲ့ ကလေးသူငယ်တွေကို စောင့်ရှောက်ပေးပြီး နွေးထွေးတဲ့ဂေဟာ အဆောက်အဦးသစ်ကိုလည်း ဖွင့်လှစ်ထားနိုင်ခဲ့ပြီဖြစ်ပါတယ်။
ဒါ့အပြင် ဆင်းရဲနွမ်းပါးတဲ့ ပြည်သူတွေအတွက်လည်း (၇)ရက်သားသမီးများရဲ့ စုပေါင်းကုသိုလ်များဖြင့် တစ်ထောင့်တစ်နေရာကနေတတ်နိုင်လောက် ကူညီလှူဒါန်းမှုတွေလည်း မကြာခဏ ပြုလုပ်ပေးတာတွေ့ရပါတယ်။
ယခုမှာလည်း ခိုင်နှင်းဝေက ပရိသတ်တွေ ကြည်နူးစေမယ့် ပုံရိပ်လေးတွေကို ဖော်ပြလာခဲ့ပြန်ပါတယ်။
ဒါကတော့ သူမရဲ့ ကလေးဂေဟာမှာ စေတနာအပြည့်နဲ့ လုပ်ကိုင်ပေးနေတဲ့ ဝန်ထမ်းတွေကို ကျိုက်ထီးရိုးဘုရားအား ဖူးမြော်ရအောင် လိုက်ပို့ပေးခဲ့တာပါ။ ဝန်ထမ်းတွေအပေါ်မှာ စေတနာ၊မေတ္တာတွေနဲ့ မိသားစုဝင်တွေလို သဘောထားတဲ့ ခိုင်နှင်းဝေကိုတော့ ပရိသတ်တွေကလည်း ချီးကျူးဂုဏ်ပြုထားကြတာ ဖြစ်ပါတယ်။ ကျိုက်ထီးရိုးဘုရား ဝန်ထမ်းတွေနဲ့အတူ သွားရောက်ဖူးမြော်နေတဲ့ ခိုင်နှင်းဝေကို ဆုတောင်းစကားလေးတွေ ပြောပေးခဲ့ပါဦး။
သတင်း အရင်းအမြစ်៖ Source - Khine Hnin Wai