ကိုဗစ်ပိုးသစ်ရဲ့ စိုးရိမ်စရာ အနေအထား

ယမန်နေ့က တောင်အာဖရိကမှာ ကူးစက်ပြန့်ပွားနေတဲ့ ကိုဗစ်ပိုးအသစ် Omicron မျိုးကွဲအကြောင်း ကမ္ဘာ့ကျန်းမာရေးအဖွဲ့အစည်းက ကြေညာခဲ့ပါတယ်။ ဒီသတင်းကြောင်း ကမ္ဘာမှာရော မြန်မာမှာပါ လှုပ်လှုပ်ခတ်ခတ် ဖြစ်သွားပါတယ်။ မျိုးကွဲအသစ်ဟာ စိုးရိမ်စရာ အနေအထားမှာ ရှိ​တယ်လို့လည်း သိရပါတယ်။

Omicron မျိုးကွဲဟာ ဗီဇပြောင်းလဲမှု အရမ်းမြန်ပြီး ကာကွယ်ဆေးမတိုးနိုင်ဘူးလို့ သိပ္ပံပညာရှင်တွေက ပြောကြပါတယ်။ အသေးစိတ်သိဖို့ကတော့  သုတေသနတွေ ထပ်ပြီး လုပ်ရဦးမှာပါ။

ကန်သမ္မတ ဘိုင်ဒင်ဟာ တောင်အာဖရိကမှာ ဖြစ်ပွားနေတဲ့ ဒီမျိုးကွဲကြောင့် ခရီးသွားလာခွင့် ကန့်သတ်ခဲ့ပါတယ်။ အမေရိကန်အပါအဝင် နိုင်ငံပေါင်း ၈ နိုင်ငံက ကန့်သတ်ချက် ထုတ်ခဲ့တဲ့အတွက် တောင်အာဖရိကတာဝန်ရှိသူများက မမျှတဘူးလို့ ခံစားခဲ့ရကြောင်း သိရပါတယ်။

မျိုးကွဲသစ်ဟာ ဘယ်လောက်ထိ လူကို ဒုက္ခပေးနိုင်လဲ မသိရသေးပါဘူး။ ဆရာဝန်တွေ အများစုလက်ခံတဲ့ အချက်အလက်တစ်ခုကတော့ ဗိုင်းရပ်စ်တစ်မျိုးဟာ အရမ်းလွယ်လွယ်ကူးတတ်ရင် ရောဂါအခြေအနေ သိပ်မဆိုးတတ်ပါဘူးတဲ့။

အမေရိကန်ပညာရှင်တွေကတော့ Omicron ကို ကြောက်လန့်တကြားနဲ့ သုတေသနတွေ အသည်းအသန် လုပ်နေပါပြီ။

မြန်မာနိုင်ငံမှာလည်း နောက်လှိုင်းတစ်ခု မလာခင် ကြိုတင်ကာကွယ်မှုတွေ လုပ်ထားသင့်ပါပြီ။

Source - The New York Times