ပဌာန်းဆက်ရေစက်တွေကြောင့် သမီးလေးတစ်ဦးထပ်မံမွေးစားသွားမယ့် ခိုင်နှင်းဝေ

မင်းသမီးခိုင်နှင်းဝေဟာဆိုရင် မြန်မာနိုင်ငံက အခက်အခဲဖြစ်နေတဲ့ ကလေးလေးတွေကိုစေတနာမေတ္တာအပြည့်ဖြင့် တာဝန်ယူမွေးစားပေးနေတဲ့ ပရဟိတမင်းသမီးတစ်ယောက်ဖြစ်ပါတယ်။သူမကဘာမှမသိနားမလည်ဘဲလူ့လောကကိုရောက်ရှိလာပြီး အစွန့်ပစ်ခံလိုက်ရတဲ့ ကလေးလေးတွေကို ဒုက္ခမရောက်စေအောင်ကူညီစောင့်ရှောက်ပေးနေတဲ့သူတစ်ယောက်ပါ။အခုဆိုရင်သူမ မွေးစားထားတဲ့ကလေးငယ်လေးတွေအရေအတွက်လည်းပိုမိုများလာပြီး မိဘမဲ့စောင့်ရှောက်ရေးဂေဟာတွေလည်း တိုးချဲ့ ဆောက်လုပ်လျှက်ရှိပါတယ်။

ဒီတစ်ခေါက်မှာလည်းဝေးလံခေါင်ဖျား ရှမ်းပြည်နယ်တောအရပ်တစ်နေရာက မွေးရာပါကလီစာတွေအပြင်ထွက်နေတဲ့ကလေးလေးကိုမွေးစားလိုက်ပြီလို့ သူမလူမှုကွန်ရက်စာမျက်နှာမှာတင်ထားပါတယ်။ ကလေးငယ်လေးကအရေးပေါ်ခွဲစိတ်မှုလိုအပ်နေတဲ့သူဖြစ်ပြီး အသက်ကသုံးရက်သားလေးပဲရှိပါသေးတယ်။ လူ့လောကကိုရောက်လာတာ သုံးရက်သားလေးပဲရှိသေးတဲ့ကလေးငယ်လေးမှာ ဒီလိုမွေးရာပါရောဂါမျိုးပါလာတာ တော်တော်စိတ်မကောင်းစရာလေးပါ။ မင်းသမီးခိုင်နှင်းဝေ ကိုယ်တိုင်လည်း ကလေးငယ်လေးရဲ့အဖြစ်ကို သနားဂရုဏာစိတ်နဲ့ပြန်လည်ရှင်သန်လာဖို့ အများကြီးဆုတောင်းပေးနေတာကိုတွေ့ရပါတယ်။

အသက်ဆက်ရှင်မရှင်ဆိုတာတော့ ကလေးငယ်လေးရဲ့ကံတရား အတိုင်းသာဖြစ်ပေမယ့် အတတ်နိုင်ဆုံး ပြန်ရှင်လာအောင်ကယ်တင်သွားမှာဖြစ်ကြောင်းကိုလည်း သူမလူမှုကွန်ရက်စာမျက်နှာမှာတင်ထားပါတယ်။

ခိုင်နှင်းဝေဟာပရဟိတမင်းသမီးတစ်ယောက်ဖြစ်ပြီး အခက်အခဲဖြစ်နေသူ၊ဒုက္ခရောက်နေသူတွေကိုလည်း အမြဲတမ်းအလှူအတန်းတွေလုပ်ပေးနေတဲ့သူဖြစ်ပါတယ်။