၁၉၉၇ ခုနှစ်တွင် ကြွက်များကို မြေမြုပ်မိုင်းများရှာဖွေရန် လေ့ကျင့်ပေးနိုင်ခဲ့ပါတယ်။ အထူးသဖြင့် အာဖရိကတိုက် နိုင်ငံကြီးများတွင် ကြွက်များကို မိုင်းရှာရန်အသုံးပြုခဲ့ကြပါတယ်။ ကြီးမားတဲ့ကြွက်များဟာ အမြင်အာရုံနည်းပါးကြပေမယ့်လည်း ထူးခြားတဲ့ အနံ့ခံနိုင်စွမ်းများရှိကြပါတယ်။
ကမ္ဘောဒီးယားနိုင်ငံတွင် နိုင်ငံတစ်ဝန်း မြေမြုပ်မိုင်းပေါင်း ခြောက် သန်းခန့်ရှိကြောင်း ခန့်မှန်းထားကြပြီး လယ်ယာထွန်ယက်ခြင်း၊ အိမ်ရာတည်ဆောက်ခြင်းများ ဆောင်ရွက်နိုင်ရန် မိုင်းများကို လုံးဝရှင်းလင်းရန်လိုအပ်လာခဲ့ပါတယ်။ ကြွက်များကို ကိုးလကြာ လေ့ကျင့်ပေးခဲ့ပြီးနောက် ၁၈၅ စတုရန်းမီတာ (စတုရန်းပေ ၂၀၀၀) အကျယ်အဝန်းအတွင်းရှိ မိုင်းများကို မိနစ် ၂၀ အတွင်းရှာဖွေနိုင်ခဲ့ကြပါတယ်။
ကြွက်များဟာ မိုင်းများကို ရှာဖွေရာတွင် သူတို့ရဲ့ ခန္ဓာကိုယ်အလေးချိန်ဟာ မိုင်းကိုပေါက်ကွဲစေနိုင်လောက်တဲ့ အလေးချိန် မရှိပါဘူး။ TNT ယမ်းနံ့ကို ရရှိသလို မိုင်းရှိတဲ့နေရာကိုလည်း သိရှိပါတယ်။ ဒါပေမယ့် အချိန်တိုင်းမှာ ကြွက်များကို မြေမြုပ်မိုင်းတူးဖော်ခွင့်မပြုဘဲ နောက်ပိုင်းမှ မိုင်းများကို ဖောက်ခွဲရှင်းလင်းကြရပါတယ်။
သတင်း အရင်းအမြစ်៖ National Geographic