ဒေါ်အောင်ဆန်းစုကြည် ဆိုတာနဲ့ မြန်မာနိုင်ငံ လွတ်လပ်ရေးဖခင် ဗိုလ်ချုပ်အောင်ဆန်းရဲ့ သမီး လို့ အများက သိရှိထားတဲ့အပြင် ပြည်သူအပေါ် စေတနာအပြည့်အဝထားရှိတဲ့ လူထုခေါင်းဆောင်လို့ အားလုံးက သိကြပါတယ်။
သူမ ကို ၁၉၄၅ ခုနှစ်၊ ဇွန်လ (၁၉)ရက်နေ့မှာ ရန်ကုန်မြို့တွင် မွေးဖွားခဲ့တာဖြစ်ပြီး ယခုဆိုရင်တော့ သူမ ဟာ အသက်(၇၆)နှစ်ရှိပြီဖြစ်ပါတယ်။သူမ ဟာ (၁၉၇၂)ခုနှစ်တွင် မိုက်ကယ်အဲရစ်နှင့်အိမ်ထောင်ကျကာ သား နှစ်ယောက် ဖွားမြင်ခဲ့ပါတယ်။
သူမ ဟာ (၁၉၉၁) ခုနှစ်တွင် ငြိမ်းချမ်းရေးနိုဘယ်ဆုကို ရရှိခဲ့တာဖြစ်ပြီး နိုင်ငံတကာက ပေးအပ်တဲ့ ဆုပေါင်းများစွာရရှိခဲ့ပါတယ်။သူမ ဟာ အင်မတန်ထက်မြက်တဲ့အတွက် နိုင်ငံတကာကပါ လေးစားအားကျအတုယူရတဲ့ မြန်မာအမျိုးသမီးတစ်ဦးဖြစ်ပါတယ်။
သူမဟာ နိုင်ငံတော်အတိုင်ပင်ခံပုဂ္ဂိုလ်နှင့်နိုင်ငံခြားရေးဝန်ကြီးအဖြစ် (၂၀၁၆)ခုနှစ်မှ (၂၀၂၁)ခုနှစ်အထိ တာဝန်ထမ်းဆောင်ခဲ့ပါတယ်။ယခုကာလမှာ သူမဟာ စစ်ကောင်စီရဲ့ ဖမ်းစီးထိန်းသိမ်းခြင်းကို ခံနေရပါတယ်။ထိန်းသိမ်းခံထားရတာ ယခုဆို ရက်ပေါင်း(၂၃၆)ရက်ရှိပြီဖြစ်ပါတယ်။ ဒါကြောင့် သူမ အား အလွမ်းပြေစေနိုင်ရန် သူမ ငယ်ဘဝက ရှားပါးဓာတ်ပုံလေးတွေကို ပရိတ်သတ်ကြီးထံ ဖော်ပြလိုက်ရပါတယ်။