ကိုယ်သိပ်ချစ်ရတဲ့ချစ်သူကို တခြားသူတစ်ယောက်ဆီ ပါမသွားစေချင်တဲ့ဆန္ဒဟာ အချစ်ကြီးတဲ့ အမျိုးသားတိုင်းမှာရှိတတ်ပါတယ်။ ကိုယ့်ချစ်သူ ကိုယ့်ဘေးမှာ အမြဲရှိနေဖို့ နည်းမျိုးစုံသုံးပြီး ကြိုးစားကောင်းကြိုးစားပါလိမ့်မယ်။ ဒါပေမယ့်ဒီအမျိုးသားကတော့ သူ့ချစ်သူကို ရယ်ရခက်ငိုရခက်ပုံစံနဲ့ သူ့ဘေးမှာအမြဲရှိနေအောင်လုပ်ခဲ့တာပါ။
You Pan လို့ခေါ်တဲ့အမျိုးသားဟာ Yan Pai နဲ့ချစ်သူဖြစ်ပြီးနောက်ပိုင်း ဒီလိုလုပ်ခဲ့တာပါ။ ချစ်ဖို့ကောင်းပြီး လှပတဲ့ Yan Pai ဟာ You Pan နဲ့ချစ်သူတွေဖြစ်တုန်းက ပေါင်ချိန် ၅ဝကီလိုသာရှိပါတယ်။ ဒါပေမယ့် You Pan ဟာ သူ့ချစ်သူကို တစ်နေ့ငါးကြိမ်ထမင်းစားစေခဲ့ပြီး တစ်နှစ်အတွင်း ၄ဝကီလိုတက်စေခဲ့ကာ ၉ဝကီလိုထိ၀ိတ်တက်အောင်လုပ်ခဲ့ပါတယ်။
You Pan လိုချင်တဲ့ ဖက်တီးမလေး ဖြစ်ပြီးသွားတဲ့အချိန်မှာတော့ သူဟာ Yan Pai ရဲ့ အကြိုက်ဆုံးစားသောက်ဆိုင်ရှေ့မှာ လက်ထပ်ခွင့်တောင်းခဲ့ပါတယ်။ လက်ထပ်ခွင့်တောင်းတဲ့အချိန်မှာ ချစ်သူကို ရွှန်းရွှန်းစားစားကြည့်နေတဲ့ You Pan ကို တွေ့ရမှာပါ။ သူဟာ ဒီကောင်မလေးကိုချစ်ခဲ့ပြီး သူ့အနားမှာပဲထားချင်ခဲ့တဲ့ သူ့လုပ်ရပ်ဟာ ရယ်ရမှာလား၊ ဒေါသထွက်ရမှာလားဆိုတာ မသိနိုင်တော့ပါဘူး။
သတင်း အရင်းအမြစ်៖ Daily Mail