တစ်ချို့နေရာတွေမှာ အခြေအနေ အမျိုးမျိုးကြောင့် တိုက်ပွဲတွေပြင်းထန်လျက်ရှိနေပြီး ပြည်သူတွေ တော်တော်များများကလည်း အသက်ဘေးအန္တရာယ် ကင်းလွတ်ဖို့အတွက် ရှိသမျှတွေကို စွန့်ပစ်ခဲ့ရပြီး တောထဲတောင်ထဲမှာ စစ်ဘေးရှောင်နေကြရဆဲပါ ။နေအိမ်ကိုစွန့်ခွာကာ စစ်ဘေးရှောင်နေကြတာကြောင့် အစစအရာရာ ခက်ခဲနေကြပြီး အစားအသောက် နေထိုင်ရေးနဲ့ ကျန်းမာရေးစောင့်ရှောက်မှုတွေကအစ အကူအညီ အများအပြား လိုအပ်နေကြတာလည်း ဖြစ်ပါတယ်။
ဒါကြောင့်လည်း စာနာစိတ်အပြည့်နဲ့ စေတနာရှင် ပြည်သူတွေ ၊ ပရဟိတ အသင်းတွေ စုပေါင်းပြီး ဒီလို နေရာအစုံက အကြောင်းမျိုးစုံသော အခက်အခဲတွေကို အစွမ်းကုန် ဖြေရှင်းနေကြရပါတယ် ။ ဒီလို လှူဒါန်းကြသူတွေ အထဲမှာ အနုပညာရှင်တွေလည်း တစ်ထောင့်တစ်နေရာကနေ ပါဝင်ပြီး ပြည်သူတွေနဲ့ အတူ ရပ်တည်လျက်ရှိတာကို လေးစားစွာတွေ့ရပါတယ် ။
အခုလည်း စူပါမော်ဒယ် လုလုအောင်က စစ်ပြေးရှောင် ပြည်သူတွေ အတွက် လိုအပ်တာများ ဝယ်ယူရန် အတွက် အလှူငွေ (၁၀) သိန်းကို လှူဒါန်းခဲ့ပါတယ် ။ လက်ခံရရှိသည့် အလှူငွေများကို မိုင်ဂျာယန်ဒေသအတွင်းရှိ စစ်ဘေးရှောင်ပြည်သူများနဲ့ ကျောင်းသူ၊ကျောင်းသားများအတွက် မရှိမဖြစ်လိုအပ်နေတဲ့ ဆေးဝါးများဝယ်ယူရန် အသုံးပြုသွားမယ်လို့လည်း သိရပါတယ် ။ ပရိသတ်ကြီးအတွက် ဒီသတင်းကို ဝေမျှပေးရင်း လုလုအောင်လည်း ဒီထက်မက လှူနိုင်ပါစေ ဆုတောင်းပေးလိုက်ပါတယ် ။
Bong I.T