ရုတ်တရက် နှုတ်ဆက်သွားခဲ့တဲ့ အဆိုတော် ရေမွန်ကိုတော့ ချစ်တဲ့သူတွေက အမြဲသတိရစေဖို့အတွက် အမှတ်တရလေးတွေ ပြုလုပ်ပေးခဲ့ပါတယ်။ ဒီလိုလုပ်ပေးခဲ့တဲ့ အမှတ်တရတွေမှာ သူ့ရဲ့ အရိုးပြာအချို့နဲ့ နောက်ဆုံးခေါင်းချခဲ့တဲ့ လွတ်မြောက်နယ်မြေမှာ သစ်ပင်လေးတွေလည်းအမှတ်တရစိုက်ပျိုးထားခဲ့သလို ချစ်တဲ့ပရိသတ်တချို့က ပုံတူရုပ်ပုံလေးတွေနဲ့ သီချင်းတွေကို သေရာပါအောင် ခန္ဓာကိုယ်ပေါ်မှာ ရေးထိုးကြတာကိုလည်း တွေ့မြင်ရပါတယ်။
ယခုတစ်ခါမှာလည်း တောင်ကြီးမြို့က ဆိုင်တစ်ဆိုင်မှာ အမှတ်တရအနေဖြင့် ရေမွန်ရဲ့ပုံရိပ်တွေနဲ့ အခန်းလေးကိုပြုလုပ်ထားတယ်လို့ သိရပါတယ်။ဒီအခန်းလေးကတော့ ရေမွန်ကို လွမ်းဆွတ်ခြင်းအားဖြင့် ဆိုင်ကိုလာရောက်တဲ့ လူငယ်လေးတွေ နဲ့ ချစ်တဲ့ Fanတွေအတွက် ရည်ရွယ်ပြီး အမြဲသတိတရ အမှတ်ရစရာနေရာလေးတစ်ခုအဖြစ်ထားထားခြင်း ဖြစ်တယ်လို့သိရပါတယ်။
ဒါ့အပြင် Idiots Raymond Room လုပ်ထားတဲ့ ဒီအခန်းဟာ Customer table မထားဘူးလို့လည်း သိရပါတယ်။ ရေမွန်ကို ချစ်တဲ့လူငယ်တွေကတော့ ဒီဆိုင်လေးမှာ လာထိုင်ပြီး အမှတ်တရ ဓာတ်ပုံလေးတွေ ရိုက်ကူးကြတယ်လို့ သိရပါတယ်။ ကဲ..ပရိသတ်တွေလည်း တောင်ကြီးမြို့ကို သွားရောက်ခဲ့ဖြစ်ရင် Raymond Room လေးကို သတိတရသွားလို့ရအောင် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - Original Upload