မောနေ၊ကြောက်နေပေမယ့် အနာဂတ်မျိုးဆက်အတွက် အုပ်တစ်ချပ်သဲတစ်ပွင့်ဖြစ်ချင်တာကြောင့်တက်တက်ကြွကြွပါဝင်လှုပ်ရှားနေကြောင်း ပြောပြလာတဲ့ အောင်လ

အဆိုတော်အောင်လကတော့ အဆွေးသီချင်းလေးတွေ ၊အချစ်သီချင်းလေးတွေနဲ့ ပရိသတ်တွေရဲ့ ရင်ထဲကိုဝင်ရောက်နေရာယူထားနိုင်သူတစ်ယောက်ဖြစ်ပြီး ယခုမှာလည်း အနုပညာအလုပ်တွေကို ဆက်လက်လုပ်ကိုင်လျက်ရှိနေပါတယ်။ ပရိသတ်တွေရဲ့အားပေးမှုကို ရယူထားနိုင်တဲ့ သူကတော့ အောင်မြင်လျက်ရှိနေတဲ့ အဆိုတော်တစ်ယောက်ပဲဖြစ်ပါတယ်။ အောင်လကတော့ လူထုလှုပ်ရှားမှုတွေစတင်တဲ့နေ့ကတည်းက ပြည်သူတွေနဲ့အတူ ပါဝင်လှုပ်ရှားခဲ့သူတစ်ယောက်ပဲဖြစ်ပါတယ်။

ပြည်သူတွေရဲ့ဆန္ဒနဲ့ ထပ်တူကျတဲ့ သူကတော့ အမှန်တရားဘက်ကနေ ရပ်တည်လျက်ရှိနေသူတစ်ယောက်ပဲဖြစ်ပါတယ်။ အောင်လကတော့ ဝိုင်းစုခိုင်သိန်းနဲ့အတူ မနေ့ကပြုလုပ်တဲ့လူထုလှုပ်ရှားမှုမှာ တက်တက်ကြွကြွနဲ့ပါဝင်နေခဲ့ပါတယ်။ အောင်လကတော့ နေပူလို့မောနေ၊ကြောက်နေပေမယ့် အနာဂတ်မျိုးဆက်တွေအတွက် အုပ်တစ်ချပ်သဲတစ်ပွင့်ဖြစ်ခွင့်ရချင်တာကြောင့် လူထုလှုပ်ရှားမှုမှာ အားမာန်အပြည့်နဲ့ပါဝင်နေတဲ့အကြောင်း ပြောပြလာခဲ့ပါတယ်။

အောင်လကတော့ " နေပူလားပူတာပေါ့ဗျာမောလားမောတာပေါ့ဗျာ ကြောက်လားကြောက်တာပေါ့ဗျာ ဒါပေမယ့် ကျွန်တော်တို့ အနာဂတ် အတွက်ကျွန်တော်တို့ နောက်မျိုးဆက် တွေ အတွက် ဆိုရင်တော့ ဒါဟာ အုပ်တစ်ချပ် သဲတစ်ပွင့် ဖြစ်ခွင့်လေးပါပဲ အရေးတော်ပုံ အောင်ရမည် "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့ပါတယ်။ ဝိုင်းစုခိုင်သိန်းနဲ့အတူ လူထုလှုပ်ရှားမှုမှာ ပါဝင်နေတဲ့ အောင်လရဲ့ပုံရိပ်လေးတွေကို ချစ်ပရိသတ်တွေအတွက် ပြန်လည်ဖော်ပြပေးလိုက်ရပါတယ်။

Source : Aung La ( Reason ) ' s Facebook Page