လက်ရှိဖြစ်ပေါ်နေတဲ့ အခြေအနေတွေမှာဆိုရင်တော့ ပြည်သူတွေအပြင် အနုပညာရှင်တွေနဲ့ ဂီတလောကသားတွေကပါ လမ်းပေါ်ထွက်ပြီး လူထုလှုပ်ရှားမှုတွေကို လုပ်ဆောင်နေကြတာ ဖြစ်ပါတယ် ။ အနုပညာရှင်များအဖွဲ့က နေ့တိုင်းလိုလို ပြည်သူလူထုတွေနဲ့အတူ တက်တက်ကြွကြွပါဝင်သလို ဂီတလောကသားတွေကလည်း သူတို့တတ်နိုင်တဲ့ဘက်ကနေ ပါဝင်အားဖြည့်ပေးနေကြတာ ဖြစ်ပါတယ် ။ ဂီတအနုပညာရှင်များအဖွဲ့မှာတော့ တေးသံရှင်တွေ အများအပြားပါဝင်ကြတာ ဖြစ်ပါတယ် ။
မျိုးကျော့မြိုင်၊ R ဇာနည်၊ ရန်ရန်ချမ်း၊ ဖိုးကာ ၊ ဇော်ပိုင်၊ စိုင်းစိုင်းခမ်းလိုင်၊ ကျားပေါက်၊ G Fatt ၊ဖြိုးလေး၊ ဖြိုးပြည့်စုံ၊ ထက်ယံ၊ ဘီလီလမင်းအေး၊ ပိုပိုနဲ့ ဝါဆိုမိုးဦးစတဲ့ နာမည်ကြီးတေးသံရှင်တွေပါဝင်တဲ့အဖွဲ့က မနေ့ကလည်း လမ်းပေါ်ကိုအတူတူထွက်ပြီး ကြွေးကြော်ခဲ့ကြတာ ဖြစ်ပါတယ် ။ ဂီတအနုပညာရှင်တွေအားလုံးက စုပေါင်းပြီး ဖမ်းဆီးထိန်းသိမ်းခံထားရတဲ့ အနုပညာရှင်တွေကို ပြန်လွှတ်ပေးဖို့ ငြိမ်းချမ်းစွာ တောင်းဆိုပေးခဲ့ကြတာပဲ ဖြစ်ပါတယ် ။
ဂီတအနုပညာရှင်များအဖွဲ့က မြန်မာပလာဇာအရှေ့မှာထိုင်ပြီး သူတို့ရဲ့ကြွေးကြော်သံတွေကို အားလုံးကြားစေရန် စည်းလုံးညီညွတ်စွာ လူထုလှုပ်ရှားမှုပြုလုပ်ခဲ့တာပဲ ဖြစ်ပါတယ် ။ ပြည်သူတွေနဲ့အတူ တစ်သားတည်းရပ်တည်နေကြတဲ့ ဂီတအနုပညာရှင်တွေက အခုချိန်မှာ တစ်ထောင့်တစ်နေရာကနေ ပါဝင်အားဖြည့်ပေးနေတာလည်း ဖြစ်ပါတယ် ။ ကဲ ဖမ်းဆီးထိန်းသိမ်းခံထားရတဲ့ အနုပညာရှင်များအား ပြန်လည်လွတ်မြောက်ပေးရန်အတွက် တောင်းဆိုခဲ့ကြတဲ့ ဂီတအနုပညာရှင်များရဲ့ပုံရိပ်တွေကို ပြန်လည်မျှဝေပေးလိုက်ပါတယ်နော် ။
Source - Myanmarload TV