မင်းသမီးလင်းဂျီယွန်းဟာမကြာသေးခင်တုန်းကအင်တာဗျုးတစ်ခုမှာချစ်သူကောင်လေးဖြစ်သူအကြောင်းကို ထည့်သွင်းဖြေကြားသွားခဲ့ပါတယ်။ သူတို့နှစ်ယောက်ဟာနာမည်ကြီးဇာတ်ကားဖြစ်တဲ့ The Glory မှာစတင်တွေ့ဆုံခဲ့ကြတာဖြစ်ပြီး ဒရာမာရိုက်ကူးထုတ်လွှင့်ပြီးသိပ်မကြာခင်မှာပဲ တွဲနေတဲ့သတင်းတွေကိုအတည်ပြုပေးခဲ့ကြတာဖြစ်ပါတယ်။ 

နှစ်ယောက်သားဟာ မကြာသေးခင်ကကျင်းပခဲ့တဲ့ Beaksang Art Award ဆုပေးပွဲမှာလည်း တစ်ယောက်ကိုတစ်ယောက်ကျေးဇူးတင်ကြောင်းပြောခဲ့ကြပါသေးတယ်။ ဒီလိုအကြောင်းပြချက်တွေကြောင့် လီဒိုဟွန်းအနေနှင့်စစ်မှုထမ်းနေတဲ့ကာလဖြစ်ပေမဲ့ အခုချိန်ထိလက်တွဲမြဲနေတာဖြစ်ပါတယ်။ အင်တာဗျုးမှာ လင်းဂျီယွန်းက သူတို့နှစ်ယောက်အနေနှင့် အချိန်သိပ်မရတာကြောင့် အလုပ်ကိစ္စတွေကိုမပြောဖြစ်ဘူးလို့ပြောပါတယ်။

ဒါပေမဲ့ နှစ်ယောက်သားဟာ အချင်းချင်းနားလည်ပေးပြီးတော့ ကောင်းမွန်တဲ့ဆက်ဆံရေးရှိနေတယ်လို့လည်းပြောခဲ့ပါတယ်။ လီဒိုဟွန်းဟာသူ အကောင်းဆုံးလူသစ်သရုပ်ဆောင်ဆုရတုန်းက မင်းသမီးလင်းဂျီယွန်းနာမည်ကိုတိုက်ရိုက်ပြောပြီး သူ့ဘေးနားရှိနေပေးလို့ ကျေးဇူးတင်ကြောင်းပြောခဲ့တာဖြစ်ပါတယ်။