ပိုးဖလံအများစုဟာ လိပ်ပြာတွေနှင့်ယှဥ်ရင်ထူးခြားတဲ့အရောင်တွေသိပ်မရှိဘဲ ရိုးရှင်းကြပါတယ်။ သူတို့ဟာ အမှုန်တွေထူလွန်းတဲ့အတောင်ပံတွေပဲရှိတာကြောင့် လိပ်ပြာတွေနှင့်ယှဥ်ရင် အတော်လေးမလှကြပါဘူး။ ဒါပေမဲ့ Rosy Mapel ပိုးဖလံကတော့ လိပ်ပြာအများစုနှင့်တန်းတူယှဥ်နိုင်တဲ့အပြင် တစ်ချို့လိပ်ပြာတွေထက်ပိုတောင်လှတယ်ဆိုတဲ့ တောင်ပံတွေကိုပိုင်ဆိုင်ထားတာဖြစ်ပါတယ်။
ပန်းနုရောင်နှင့်အဝါဖျော့ရောင်ရောထားတဲ့တောင်ပံနှင့်အဝါရောင်ကိုယ်ထည်ဟာ အတော်လေးကိုလှပြီးတော့ နာမည်နှင့်လိုက်ဖက်တယ်လို့ခံစားရတဲ့အသွင်အပြင်ဖြစ်ပါတယ်။ ပန်းရောင်ခြေတံလက်တံတွေနှင့် အမွှေးနုလေးတွေကလည်း ဒီအကောင်လေးတွေကိုလှတယ်လို့ပိုပြီးခံစားစေနိုင်ပါတယ်။
သူတို့ဟာပိုးတုံးလုံးအရွယ်မှာ မေပယ်ရွက်တွေကိုစားကြပြီးတော့ မေပယ်ပင်တွေပေါ်မှာနေထိုင်တတ်ကြတဲ့အကောင်တွေဖြစ်ပါတယ်။ လက်ခံပင်ကိုအန္တာရာယ်မဖြစ်စေဘဲ ရှင်သန်လာကြတဲ့အကောင်လေးတွေဖြစ်ပါတယ်။ ဒါပေမဲ့ဒီလှပတဲ့ပိုးဖလံလေးတွေဟာ တစ်ခြားပိုးဖလံတွေလိုပဲ အသက်မရှည်ဘဲ အရွယ်ရောက်ပြီး ရက်ပိုင်းအကြာမှာသေဆုံးသွားတတ်ကြပါတယ်။
Bong I.T