ပိုးတုံးလုံးအများစုဟာ အရွယ်ရောက်တဲ့အဆင့်မတိုင်ခင်မှာ ပိုးတုံးလုံးအဖြစ် သစ်ရွက်နှင့်သစ်ပင်တွေပေါ်မှာနေထိုင်ကြတာဖြစ်ပါတယ်။ တစ်ချို့ပိုးတုံးလုံးတွေဟာ အရွယ်အစားကိုမသိဘဲ ရုတ်တရက်ကြည့်လိုက်ရင်မြွေလို့ထင်မှတ်ရလောက်တဲ့အသွင်အပြင်ရှိကြပါတယ်။ ဒီလိုပိုးတုံးလုံးတွေအများစုဟာ အရောင်အဆင်းနှင့် ပုံစံတွေကြောင့်မြွေလို့ထင်မှတ်ခံရတာဖြစ်ပါတယ်။
Sphynx လို့ခေါ်တဲ့ ပိုးဖလံတွေရဲ့ ပိုးတုံးလုံးအဆင့်ဟာ အတော်လေးကိုမြွေနှင့်တူတဲ့အသွင်အပြင်ရှိနေတာဖြစ်ပါတယ်။ သူတို့ရဲ့အစိတ်အပိုင်းတွေမှာ အထူးသဖြင့် မျက်နှာဟာမြွေမျက်နှာနှင့်အတော်လေးတူညီနေတာဖြစ်ပါတယ်။ သူရဲ့ခေါင်းဟာမြွေတွေလိုမျိုးပဲ မျက်လုံးအကြီးကြီးရှိပြီးအကြေးခွံလိုမျိုးပါရှိနေတာပါ။
ဒါ့အပြင် ဒီပိုးတုံးလုံးကောင်တွေကို လေ့လာခဲ့တဲ့ ပညာရှင်တွေရဲ့အပြောအရ ဒီအကောင်လေးတွေဟာတစ်ခါတစ်လေမှာမြွေတွေလုပ်သလိုမျိုးခေါင်းတွေဘယ်ညာဝှေ့ယမ်းတာမျိုးပါလုပ်တတ်ကြတယ်လို့ဆိုပါတယ်။ ဒီလိုလုပ်ခြင်းဟာ သူတို့ကိုလာစားမယ့် အိမ်မြှောင်နှင့်ငှက်တွေအထင်မှားအောင်လုပ်ကြတာမျိုးဖြစ်ပါတယ်။
Bong I.T