ဆိုရှယ်မီဒီယာခေတ်လိုအခြေအနေမျိုးမှာ ဆက်ဆံရေးတစ်ချို့ဟာ Ghosting လုပ်တာမျိုးကိုအသားကျလာကြပါတယ်။ Ghosting လုပ်တယ်ဆိုတာ တစ်ဖက်ပါတနာဖြစ်သူကို အသိပေးခြင်းမရှိဘဲပျောက်ကွယ်သွားတာပဲဖြစ်ပါတယ်။ ချစ်သူဆက်ဆံရေး ဒါမှမဟုတ် သူငယ်ချင်းတွေကြားမှာလည်း ရုတ်တရက်အကြောင်းပြချက်တစ်စုံတစ်ရာမရှိဘဲ အဆက်အသွယ်အကုန်လုံးကိုဖြတ်တောက်ပစ်ပြီး ပျောက်ကွယ်သွားတာမျိုးဖြစ်ပါတယ်။
ဆက်ဆံရေးပညာရှင်တွေရဲ့ သုံးသပ်ချက်အရတော့ ဒီနည်းလမ်းကိုသုံးပြီး လမ်းခွဲကြတဲ့သူအများစုဟာ ဆက်ဆံရေးတွေနှင့်ပတ်သက်တဲ့ စိတ်ဒဏ်ရာလိုမျိုးရှိနေတာကြောင့် ဖြစ်နိုင်တယ်လို့ပြောကြပါတယ်။ ဒီလို Ghosting လုပ်ခြင်းက တစ်ဖက်လူကိုမလေးစားရာကျတဲ့အပြင် မကောင်းတဲ့ခံစားချက်နှင့်လွှမ်းမိုးမှုတွေရှိစေပါတယ်။ အများအားဖြင့် လမ်းခွဲစကားပြောရမှာကိုမကြိုက်တဲ့သူတွေ မပြောရဲတဲ့သူတွေနှင့် ဆက်ဆံရေးကိုအလေးမထားတဲ့သူတွေဟာ ဒီလိုတိတ်တဆိတ်ပျောက်ကွယ်သွားပြီး လမ်းခွဲရတာကသူတို့အတွက် အကောင်းဆုံးလမ်းခွဲနည်းဖြစ်တယ်လို့ခံယူထားကြတာဖြစ်ပါတယ်။
ဒီလို လမ်းခွဲတာမျိုးကို အင်တာနက်လိုမျိုးနေကနေစတင်တွေ့ဆုံပြီး ချစ်ကြိုက်ကြတဲ့အတွဲတွေဆီမှာအများဆုံတွေ့ရပါတယ်။ ဒီလိုလမ်းခွဲခြင်းဟာအမှန်တော့ တစ်ဖက်ပါတနာကိုနှစ်တွေအကြာကြီးစိတ်ဆင်းရဲနေစေနိုင်တဲ့အကြောင်းအရာဖြစ်ပါတယ်။ အကြောင်းရင်းကတော့ လမ်းခွဲရတဲ့အကြောင်းရင်းကိုမသိရတာကြောင့် အမျိုးမျိုးတွေးပြီး စိတ်ဆင်းရဲနေရတာကြောင့်ဖြစ်ပါတယ်။
Bong I.T