တရုတ်နိုင်ငံရဲ့နာမည်ကြီးမင်းသား အဆိုတော် လုပ်ငန်းရှင်တစ်ယောက်ဖြစ်တဲ့ Tao ဟာ သူ့ကုမ္မဏီလက်အောက်မှာရှိတဲ့ Xu Yiyang နှင့်ချစ်သူဖြစ်နေကြောင်းတရားဝင်ကြေညာလိုက်တာဖြစ်ပါတယ်။ Yiyang ဟာ Tao နှင့်အတူတူ SM မှာသင်တန်းသားဟောင်းဖြစ်ခဲ့ဖူးပြီးတော့ နှစ်ယောက်သားဟာ ၂၀၁၈ ကတည်းကရင်းနှီးခဲ့ကြတာဖြစ်ပါတယ်။
နှစ်ယောက်သားရဲ့ တွဲနေတဲ့ကောလဟာလတွေဟာ ၂၀၂၀ လောက်ကတည်းကဆက်တိုက်ထွက်နေခဲ့တာဖြစ်ပါတယ်။ Tao နှင့် Yiyang တို့ဟာ အမေဖြစ်သူနှင့်စားသောက်ဆိုင်တွေမှာမကြာခဏတွေ့ရတဲ့အပြင် နှစ်ယောက်သားဒိတ်အတူတူလုပ်နေတာတွေကိုလည်း သတင်းတွေမှာမကြာခဏတွေ့ရတာဖြစ်ပါတယ်။ ၂၀၂၁ တုန်းကတော့ နှစ်ယောက်သားဆက်ဆံရေးကိုငြင်းခဲ့ပြီးတော့ နောက်ပိုင်းမှာတော့သတင်းတွေကို တစ်စုံတစ်ရာထုတ်ပြန်တာမျိုးမလုပ်ခဲ့တော့ပါဘူး။
အတွင်းသူငယ်ချင်းတွေရဲ့အဆိုအရ နှစ်ယောက်သားတွဲကတည်းက Tao ဖက်ကနေပြီး တရားဝင်ချပြပြီးတွဲချင်ပေမဲ့ Yiyang ဖက်ကနေပြီး Tao ဝေဖန်ခံရမှာကြောင့် မချပြချင်ခဲ့ဘူးလို့ဆိုပါတယ်။ Tao ဖက်ကနေလည်း Yiyang ကိုလက်ထပ်ဖို့အထိရည်ရွယ်တာကြောင့် အထင်လွဲနေတာတွေပျောက်သွားအောင်အမြန်ဆုံးချပြချင်ခဲ့တာဖြစ်ပြီးအခုချိန်မှာတော့ နှစ်ယောက်လုံးဟာ တရားဝင်တွဲလိုက်တာကြောင့် မကြာခင်မှာ မင်္ဂလာသတင်းကြားရနိုင်တယ်လို့ယူဆနေကြပါတယ်။
Bong I.T