Billboard ဟာ မကြာသေးခင်က X မှာ BlackPink အဖွဲ့ဝင်တွေဖြစ်တဲ့ လီဆာနှင့်ဂျင်းနီရဲ့သတင်းတွေကိုယှဥ်ပြခဲ့တာကြောင့် အကြီးအကျယ်ဝေဖန်ခံနေရတာဖြစ်ပါတယ်။ လီဆာဟာမကြာသေးခင်ကမှ Rockstar သီချင်းနှင့် သူ့ရဲ့ကိုယ်ပိုင်ကုမ္မဏီလက်အောက်ကနေ ပထမဆုံးပွဲဦးထွက်လာတာဖြစ်ပါတယ်။ ဒါ့အပြင်သူမဟာ Global Citizen Festival မှာဦးဆောင်သူအနေနှင့်ဖျော်ဖြေသွားအုံးမှာဖြစ်ပါတယ်။
တစ်ဖက်မှာတော့ ဂျင်းနီဟာဗီဒီယိုတစ်ခုမှာ အခန်းတွင်း Vape သောက်တာကြောင့်အကြီးအကျယ်ဝေဖန်ခံနေရတာဖြစ်ပါတယ်။ သူမအနေနှင့်တရားဝင်တောင်းပန်စာထုတ်ပြီးတဲ့အပြင် ဝန်ထမ်းတွေကလည်း ဂျင်းနီဖက်ကနေပြောပေးခဲ့ပေမဲ့ ဝေဖန်မှုတွေရှိနေဆဲအခြေအနေဖြစ်ပါတယ်။ ဒီအခြေအနေမှာ Billboard ဟာ Blackpink အဖွဲ့ဝင်နှစ်ယောက်ရဲ့သတင်းတွေကိုယှဥ်ပြီးတင်လာတာဖြစ်ပါတယ်။
လီဆာကဖျော်ဖြေပွဲမှာတစ်ကိုယ်တော်ဦးဆောင်ပြီးဖျော်ဖြေမယ့်အချိန် ဂျင်းနီဟာအခန်းတွင်းဆေးလိပ်သောက်မှုကြောင့် တောင်းပန်စာထုတ်နေရတယ်ဆိုပြီးသတင်းကိုတင်လာတာဖြစ်ပါတယ်။ ဒီယှဥ်ပြောမှုကြောင့် BlackPink အဖွဲ့ရဲ့ပရိတ်သတ်တွေဟာ အတော်လေးကိုစိတ်ပျက်နေကြပြီးတော့ Billboard ကိုပြင်းပြင်းထန်ထန်ဝေဖန်နေကြတာဖြစ်ပါတယ်။
Bong I.T