ဂျင်းနီဟာမကြာသေးခင်က ဗီဒီယိုတစ်ခုမှာ အလှပြင်နေရင်း Vape သောက်ခဲ့တာကြောင့် အတော်လေးဝေဖန်ခံခဲ့ရပါတယ်။ ဒီလိုအခန်းတွင်းမှာ ဆေးလိပ်အစားထိုးဖြစ်တဲ့ အီးစီးဂရက်သောက်ခြင်းဟာ တောင်ကိုးရီးယားနိုင်ငံရဲ့ဥပဒေအရတရားမဝင်တဲ့အပြုအမူဖြစ်ပါတယ်။ ဗီဒီယိုထဲမှာ သက်သေအခိုင်အလုံပါလာတာကြောင့် အီတလီနိုင်ငံကကိုးရီးယားသံရုံးကိုတိုင်စာတွေပေးပို့ခဲ့ကြပါတယ်။
ဂျင်းနီကိုယ်တိုင်တည်ထောင်ထားတဲ့ အေဂျင်စီဖြစ်တဲ့ ODD ကနေပြီးဆေးလိပ်သောက်တာဟာမှန်ကန်ကြောင်းအတည်ပြုပြီး ဂျင်းနီအနေနှင့်ဝန်ထမ်းတွေကိုလည်းတောင်းပန်ပြီးပြီဖြစ်ကြောင်း သတင်းထုတ်ပြန်လာခဲ့ပါတယ်။ ဒါပေမဲ့ ပရိတ်သတ်တွေကတော့ ဂျင်းနီအနေနှင့် အနုပညာရှင်တစ်ယောက်ဖြစ်နေပြီး အတူအလုပ်လုပ်တဲ့ဝန်ထမ်းမျက်နှာတည့်တည့်ကိုအခုလိုအငွေ့တွေမှုတ်ထုတ်တာမျိုးဟာ လုံးဝလက်မခံနိုင်စရာအပြုအမူဖြစ်ကြောင်းထောက်ပြခဲ့ကြပါတယ်။
တစ်ကယ့်ဆေးလိပ်မဟုတ်ဘဲ အီးစီးကရက်ဖြစ်တဲ့ Vape သောက်တာဟာ အနုပညာရှင်တော်တော်များများကိုပြဿနာဖြစ်စေခဲ့တဲ့အကြောင်းအရာပါ။ EXO အဖွဲ့ဝင် ဒီအိုဟာလည်း အခန်းတွင်းမှာသောက်မိတာကြောင့်ဒဏ်ကြေးပေးဆောင်ခဲ့ရဖူးပါတယ်။ ထုတ်ပြန်ချက်အရတော့ ဂျင်းနီဟာသူ့အပြုအမူကိုသေချာမှတ်ထားပြီး နောက်ကိုဂရုစိုက်သွားမှာဖြစ်ကြောင်းပြောလာတာဖြစ်ပါတယ်။
Bong I.T