အိမ်တွင်းအပင်တွေကိုစိုက်ပျိုးခြင်းဟာ နောက်ပိုင်းမှာနာမည်ကြီးလာပြီးတော့ လူတွေသဘောကျတဲ့ဝါသနာတစ်ခုဖြစ်လာပါတယ်။ 

Dieffenbachia

အဝါရောင်အစင်းကြောင်းတွေပါဝင်တဲ့ဒီအပင်ဟာ အပင်ချစ်သူတွေကြားမှာ Dumb Cane အပင်အဖြစ်နာမည်ကြီးတဲ့အပင်ဖြစ်ပါတယ်။ အခန်းတွင်းမှာ အထူးတလည်ဂရုစိုက်ဖို့မလိုအပ်တာအပြင် အလင်းရောင်နည်းပါးတဲ့အခန်းတွင်းမှာကောင်းကောင်းရှင်သန်နိုင်တဲ့အပင်ဖြစ်ပါတယ်။ ဒါ့အပြင် ဒီအပင်တွေဟာ အခန်းတွင်းလေထုကိုသန့်စင်အောင်ကူညီပေးနိုင်ပြီးတော့ ကြီးမားတဲ့အရွက်တွေရှိတာကြောင့် အခန်းကိုစိုပြေတယ်လို့ခံစားစေပါတယ်။

Dragon Tree

နဂါးသစ်ပင်လို့နာမည်ကြီးတဲ့ဒီအိမ်တွင်းအလှဆင်အပင်ကလည်း သူ့ရဲ့ပုံပန်းသွင်ပြင်နှင့် အနေအထားတွေကြောင့်နာမည်ကြီးပါတယ်။ အနီရောင် ဒါမှမဟုတ် ပန်းရောင်သန်းနေတဲ့အရွက်တွေအပြင် ရှည်မျောမျောပုံစံရှိနေတာကြောင့် အခန်းတွင်းအလှဆင်ပေးရာမှာ အတော်လေးအသုံးပြုကြတဲ့အပင်ဖြစ်ပါတယ်။ ဒါ့အပြင် ဒီအပင်ဟာ အခန်းတွင်းလေထုကိုလည်းသန့်စင်ပေးဖို့ကူညီပေးနိုင်ပါတယ်။

Christmas Cactus

ခရစ္စမတ်ပင်လို့သိကြတဲ့ ဒီအိမ်တွင်းအပင်လေးကလည်း တောက်ပတဲ့အပွင့်တွေကြောင့်နာမည်ကြီးပါတယ်။ သူတို့ဟာ လှပတဲ့ပန်းပွင့်တွေကြောင့်နာမည်ကြီးကြသလို အလင်းရောင်နှင့်ရေသိပ်မလိုတာကြောင့်လည်း လူကြိုက်များပါတယ်။ အထူးသဖြင့် ဒီအပင်ဟာ အခန်းတွင်းအခြေအနေမှာ ကောင်းကောင်းရှင်သန်နိုင်ပြီးတော့ အပွင့်တွေပေါပေါများများပွင့်တတ်တာကြောင့် အများစုကြိုက်ကြတဲ့ အိမ်တွင်းပင်တစ်မျိုးဖြစ်ပါတယ်။