တောင်ကိုးရီးယားနိုင်ငံနာမည်ကြီးမင်းသားတစ်ယောက်ဖြစ်တဲ့ ဆောင်းဂျွန်ကီဟာ ၂၀၂၃ ဂျွန်လကမှ ဖခင်တစ်ယောက်ဖြစ်သွားခဲ့တဲ့သူဖြစ်ပါတယ်။ သူဟာ ပထမအိမ်ထောင်ဖြစ်တဲ့ မင်းသမီးဆောင်းဟေကိုနှင့်ကွာရှင်းပြီးနောက်ပိုင်းမှာ မင်းသမီးဟောင်းဖြစ်တဲ့ကေတီလူးဝစ်ဆန်ဒါနှင့်လက်ထပ်ခဲ့တာဖြစ်ပါတယ်။
သူတို့နှစ်ယောက်ဟာ မင်္ဂလာပွဲကျင်းပခဲ့ကြတဲ့အပြင် ဆောင်းဂျွန်ကီရဲ့အလုပ်တွေမှာကေတီဟာလိုက်ပြီးအားပေးကူညီလေ့ရှိကြောင်း အနုပညာအသိုင်းအဝိုင်းတွေက မကြာခဏပြောကြလေ့ရှိပါတယ်။ ဆောင်းဂျွန်ကီဟာ ပထမကလေးမွေးပြီးနောက်ပိုင်းမှာ ရောမမြို့မှာပဲ နေထိုင်ပြီး မိန်းမနှင့်ကလေးကိုစောင့်ရှောက်နေတာဖြစ်ပါတယ်။ မိသားစုလိုက်လမ်းလျှောက်ထွက်တာမျိုးကို ပရိတ်သတ်တစ်ချို့က မကြာမကြာတွေ့ရတတ်တာကြောင့်ဆောင်းဂျွန်ကီဟာ ခင်ပွန်းကောင်း ဖခင်ကောင်းအနေနှင့်တာဝန်ကျေနေတာဖြစ်ပါတယ်။
အခုချိန်မှာတော့ ကေတီတို့လင်မယားဟာ ဒုတိယကလေးရှိနေပြီဖြစ်ပြီးတော့ ကလေးကိုမွေးဖွားမယ့်အချိန်ကိုတော့ အနုပညာရှင်ရဲ့ကိုယ်ရေးကိုယ်တာအဖြစ် လျှို့ဝှက်ထားပါတယ်။ ဒီသတင်းကိုအေဂျင်စီကလည်းအတည်ပြုထားပြီး ဒုတိယကလေးဟာလက်ရှိအချိန်မှာ ဘယ်နှလရှိနေပြီလဲဆိုတာကိုမကြေညာထားပါဘူး။
Bong I.T