New Jeans အဖွဲ့ဟာကေပေါ့မှာ ဘယ်မိန်းကလေးအဖွဲ့မှမှတ်တမ်းမရဖူးသေးတဲ့မှတ်တမ်းတစ်ခုကိုရရှိခဲ့ပါတယ်။ သူတို့ဟာ ဂျပန်နိုင်ငံရဲ့နာမည်ကြီး Dome ဖြစ်တဲ့တိုကျို Dome မှာဖျော်ဖြေပွဲကျင်းပနိုင်ခဲ့ကြတာဖြစ်ပါတယ်။ ဒီနေရာမှာဖျော်ဖြေပွဲကျင်းပနိုင်တဲ့အဖွဲ့တွေဟာ Shinee နှင့် Seventeen ပဲရှိသေးပြီးတော့ New Jeans ဟာတတိယမြောက်ပွဲကျင်းပနိုင်တဲ့အဖွဲ့ဖြစ်လာခဲ့တာပါ။
ဒါ့အပြင် သူတို့ဟာ ဒီနေရာမှာပွဲကျင်းပနိုင်ပေမဲ့ ပွဲဦးထွက်သက်တမ်းက နှစ်နှစ်လောက်ပဲရှိနေသေးတာဖြစ်ပါတယ်။ HYBE ရဲ့အအောင်မြင်ဆုံးမိန်းကလေးအဖွဲ့အဖြစ် သတ်မှတ်ခံရတဲ့ New Jeans ဟာ Hype Boy Ditto Super Shy အစရှိတဲ့ Hit Song တွေအများကြီးကိုထုတ်ဝေခဲ့ပြီးတော့ ပရိတ်သတ်တွေကြားမှာသာမက သာမာန်လူငယ်တွေကြားမှာပါနာမည်ကြီးနေတာပါ။
မကြာသေးခင်ကဖြစ်သွားခဲ့တဲ့ HYBE နှင့် မင်းဟီဂျင်ကြားကပြဿနာတွေကြောင့် ပရိတ်သတ်တစ်ချို့က New Jeans ရဲ့အနာဂတ်ကိုစိုးရိမ်ခဲ့ကြပါတယ်။ ဒါပေမဲ့ကံကောင်းထောက်မစွာနှင့်ပဲ အဆင်ပြေသွားပြီးတော့ မင်းဟီးဂျင်ဟာလည်း New Jeans နှင့်အတူတူအလုပ်ဆက်လုပ်နိုင်ခဲ့တာဖြစ်ပါတယ်။
Bong I.T