ချစ်သူကောင်မလေးကိုဝေဖန်မှုတွေမလုပ်ကြဖို့ တောင်းဆိုလိုက်တဲ့ အိုင်ဒေါတစ်ယောက်

Fantasy Boys အစီအစဥ်ကနေနာမည်ကြီးလာတဲ့ Nam Seunghyun ဟာ ၂၀၂၃ တုန်းက ရှိုးကနေတစ်ဆင့် ပရိတ်သတ်တော်တော်များများရခဲ့တဲ့သူဖြစ်ပါတယ်။ သူဟာ ၂၀၁၉ ကတည်းက N.CUSဆိုတဲ့အဖွဲ့နှင့်ပွဲဦးထွက်ခဲ့ဖူးပြီးတော့ ၂၀၂၀ မှာအဖွဲ့ကနေထွက်ခဲ့တာဖြစ်ပါတယ်။ Fatasy Boys ရှိုးတစ်လျှောက်မှာ ပြောင်မြောက်တဲ့အရည်အချင်းနှင့်ရုပ်ရည်ကြောင့် ချီးကျုးခံရတဲ့ သူဟာမကြာသေးခင်တုန်းက သူ့ရဲ့တရားဝင်ဆိုရှယ်မီဒီယာအကောင့်ကနေပြီး ကောင်မလေးဖြစ်သူနှင့်ပုံတွေတင်လာခဲ့ပါတယ်။

အိုင်ဒေါတစ်ယောက်ဖြစ်တာကြောင့် အခုလိုမျိုး ပုံတွေတင်လာတာကို ပရိတ်သတ်တွေကဝိုင်းပြောပြီးဝေဖန်ခံခဲ့ကြပါတယ်။ တစ်ဖက်မိန်းကလေးဖြစ်သူကိုလည်း ဝေဖန်မှုတွေလုပ်ခဲ့ကြတာကြောင့်   Nam Seunghyun ဟာကောင်မလေးဖက်ကနေပြီးကာကွယ်ပေးဖို့ဖြေရှင်းချက်ထုတ်လာပါတယ်။

သူ့အနေနှင့်မကြာခင်မှာ လက်ရှိကုမ္မဏီနှင့်စာချုပ်ကုန်ဆုံးတော့မှာဖြစ်ပြီး စာချုပ်ကုန်သွားရင် အိုင်ဒေါဆက်လုပ်ဖို့ဆန္ဒမရှိကြောင်းပြောလာတာပါ။  ဒါ့အပြင် ဒီကောင်မလေးဟာ ပြိုင်ပွဲအတွင်းမှာ ကြိုက်ခဲ့တာမျိုးမဟုတ်ဘဲ ပြိုင်ပွဲကနေအထုတ်ခံရပြီးနောက်ပိုင်းသူခက်ခဲနေတဲ့အချိန်မှာ ကူညီပေးခဲ့သူဖြစ်ပြီး လက်ထပ်ဖို့အထိတွေးထားတဲ့သူဖြစ်တာကြောင့် ဝေဖန်မှုတွေမလုပ်ကြဖို့တောင်းဆိုထားတာဖြစ်ပါတယ်။