တောင်ကိုးရီးယားတစ်နိုင်ငံလုံးချစ်ခဲ့ရတဲ့ မင်းသားကြီးဆောင်းအီဂွတ်ရဲ့အမြွှာသားလေးသုံးယောက်ဟာ ဆယ်နှစ်အကြာမှာ ရှိုးတစ်ခုကိုပါဝင်ခဲ့ပါတယ်။ နိုင်ငံ့အဆင့်တင်ဆက်သူတွေဖြစ်တဲ့ ယူဂျယ်ဆော့နှင့် ချိုဆယ်ဟိုတို့တင်ဆက်နေတဲ့ You Quiz on the Blocks မှာဖခင်ဖြစ်သူနှင့်အတူပါဝင်လာခဲ့ကြတဲ့အမွှာလေးတွေဟာ ပထမဆုံးအနေနှင့်လူမြင်ကွင်းကိုထွက်လာကြတာဖြစ်ပါတယ်။
အသက် ၁၂ ပဲရှိသေးပေမဲ့ ဖခင်နီးပါးရှည်တဲ့အရပ်ကိုပိုင်ဆိုင်ထားတဲ့ အမွှာလေးတွေဟာ ရှိုးကိုအဖေနှင့်အတူပါဝင်ပြီးတော့ ငယ်ငယ်တုန်းကအကြောင်းအရာတွေကိုပြောခဲ့ကြပါတယ်။ လက်ရှိမှာ ငယ်ရွယ်သေးပေမဲ့ အမွှာလေးသုံးယောက်ဟာမတူညီတဲ့အကျင့်ကိုယ်စီရှိပြီးတော့ ပုံစံတွေလည်းအတော်လေးကွဲပြားကြပါတယ်။ အကြီးဆုံးဒယ်ဟန် အလတ် မင်ဂု အငယ်လေး မန်ဆယ် တို့ဟာ အခုချိန်ထိလည်း လူထုချစ်တာကိုခံနေရတုန်းပဲဖြစ်ပါတယ်။
သူတို့လာတဲ့အပိုင်းဟာဆိုရင် ကြည့်ရှုနှုန်း ၇.၈ ရာခိုင်နှုန်းကျော်ရှိပြီးတော့ ဒီအတိုင်းအတာဟာ Yoo Quiz လိုမျိုးနာမည်ကြီးရှိုးတစ်ခုရဲ့သက်တမ်းမှာတစ်ခါမှမရဖူးတဲ့ကြည့်ရှုနှုန်းပဲဖြစ်ပါတယ်။ ၂၀၁၈ ကနေစတင်ခဲ့တဲ့ရှိုးရဲ့သမိုင်းမှာ ဒီကြည့်ရှုနှုန်းဟာ အများဆုံးဖြစ်တာကြောင့် ပရိတ်သတ်တွေအနေနှင့်အမွှာလေးတွေကိုဘယ်လောက်တောင်သတိရနေပြီးချစ်နေကြကြောင်းသိနိုင်တာဖြစ်ပါတယ်။
Bong I.T