ထူးခြားတဲ့ပုံပန်းသွင်ပြင်တွေနှင့် အာဖရိကရဲ့တောအုပ်တွေမှာကျက်စားတဲ့ ဒီတောခွေးတွေဟာ မျိုးသုဥ်းဖို့အထူးတလည်စိုးရိမ်နေရတဲ့အကောင်တွေဖြစ်ပါတယ်။ အုပ်စုဖွဲ့နေထိုင်ပြီးတော့ အစာရှာတာအပါအဝင် တစ်ခြားလုပ်ငန်းစဥ်တွေအကုန်လုံးကိုလည်း အဖွဲ့လိုက်စည်းစည်းလုံးလုံးလုပ်ဆောင်တတ်ကြတဲ့ ဒီအကောင်လေးတွေဟာ အာဖရိကတောအုပ်တွေရဲ့အထင်ကရအမှတ်အသားတစ်ခုဖြစ်ပါတယ်။
ခွေးနှင့်မူရင်းမျိုးရိုးတူညီတဲ့ဒီတောခွေးတွေဟာ အဓိကအားဖြင့် ငှက် ကြွက် တွေနှင့် နွားလိုမျိုးအကောင်ကြီးတွေကိုပါအုပ်စုလိုက်ဝိုင်းဖွဲ့ပြီး အမဲလိုက်ကြလေ့ရှိပါတယ်။ သူတို့ဟာအဖွဲ့စိတ်ဓာတ်ပြင်းထန်ပြီးတော့ ရှုံးနိမ့်နေရင်တောင်အဖွဲ့သားတွေကိုချန်ပြီးထွက်ပြေးကြလေ့မရှိပါဘူး။ တစ်ခါအမဲလိုက်ရင် အုပ်စုတွင်းကအကောင်နှစ်ဆယ်လောက်ကအမဲလိုက်ပြီးတော့ မျှဝေစားသောက်ကြတာဖြစ်ပါတယ်။ ဒီတောခွေးတွေဟာ တောတွင်းကကျား ခြင်္သေ့နှင့်တစ်ခြားအကောင်ကြီးတွေရဲ့အစာကိုလည်းလုယူစားသောက်တတ်ကြပါတယ်။
သူတို့ဟာ လူသားတွေရဲ့သတ်ဖြတ်မှုအပါအဝင်တောတွင်းကအင်အားကြီးအကောင်တွေရဲ့သတ်ဖြတ်မှု စားကျက်နည်းပါးလာမှုတွေကြောင့် အကောင်ရေတစ်ဖြေးဖြေးလျော့ကျလာခဲ့ပါတယ်။ အခုဆိုရင်သူတို့ရဲ့အရေအတွက်ဟာ သဘာဝမှာ ထောင်ဂဏန်းလောက်ပဲကျန်ရှိတော့တာဖြစ်ပါတယ်။ ဒီလိုနည်းပါးလာခြင်းဟာ လွန်ခဲ့တဲ့နှစ်ပေါင်းများစွာကတည်းကစတင်လာခဲ့တာဖြစ်ပါတယ်။
Bong I.T