သဘာဝပတ်ဝန်းကျင်အလှတွေနှင့် နာမည်ကြီးတဲ့ Oklahoma ပြည်နယ်ရဲ့အမှတ်အသားဖြစ်တဲ့ ဒီငှက်ဟာသူ့ရဲ့ထူးခြားတဲ့အမြီးကြောင့်လည်းနာမည်ကြီးပါတယ်။ Scissor-tailed Flycatcher လို့ခေါ်ပြီးတော့ အမြီးဟာကပ်ကြေးတစ်ခုလိုမျိုးတိတိကျကျခွဲဖြာနေတဲ့ဒီငှက်မျိုးစိတ်ဟာ ၁၄ လက်မလောက်အထိအရွယ်အစားရှိနိုင်ပါတယ်။ 

အထီးတွေဟာ အမတွေထက်ပိုရှည်လျားတဲ့အမြီးတွေရှိပြီးတော့ ဒီအမြီးတွေကို မိတ်လိုက်တဲ့အချိန်နှင့်နယ်မြေခွဲဝေတဲ့အချိန်တွေမှာအသုံးပြုကြပါတယ်။ သူတို့ဟာပျံသန်းနေတုန်း အမဲလိုက်နိုင်စွမ်းရှိကြတဲ့ငှက်တွေဖြစ်ပါတယ်။ မြေပြင်ပေါ်ကသားကောင်ကို လေပေါ်ကနေပြီးတိုက်ရိုက်ထိုးဆင်းပြီးဖမ်းယူနိုင်ကြပါတယ်။ သူတို့ဟာ တောင်အမေရိကတိုက်ဖက်ကိုဆောင်းခိုတတ်ကြပြီးတော့ ပုံမှန်အချိန်ရောက်ရင် အိုကလာဟိုမားပြည်နယ်တစ်ဝိုက်ကိုပြန်လာကြပါတယ်။

သူတို့ဟာ ထူးခြားတဲ့အသံတွေရှိပြီးတော့ အုပ်စုလိုက်အော်မြည်သံတွေလုပ်လေ့ရှိကြပါတယ်။ Ecosystem အတွက်အရေးပါတဲ့ ဒီငှက်တွေဟာ အရေအတွက်နည်းပါးသွားပြီးနောက်မှာ အစောတလျင်အကောင်ရေထိန်းသိမ်းမှုလုပ်လိုက်ရပါတယ်။ နောက်ပိုင်းမှာတော့ အကောင်ရေပြန်တိုးလာခဲ့ပြီးတော့ သဘာဝထဲမှာဆယ်နှစ်ကျော်နီးပါးအသက်ရှင်နေထိုင်နိုင်ကြပါတယ်။