လိပ်တွေရဲ့အခွံတွေဟာ မာကျောပြီးတော့ အရိုးတွေနှင့်ဖွဲ့စည်းထားတတ်တာဖြစ်ပါတယ်။ ဒါပေမဲ့ ဒီလိပ်မျိုးစိတ်မှာတော့ လိပ်ခွံဟာပျော့ပျောင်းနေပြီးတော့ အလွယ်တကူကွေးဆန့်နိုင်ပါတယ်။ ဒီလိုဖြစ်ခြင်းဟာရေထဲမှာသူတို့လှုပ်ရှားသွားလာဖို့ပိုပြီးအထောက်အကူဖြစ်စေပါတယ်။ ဒါကြောင့်ပဲ ဒီအကောင်တွေဟာရေကူးတော်တဲ့အကောင်တွေအဖြစ်အသိအမှတ်ပြုထားရတာဖြစ်ပါတယ်။

သူတို့ဟာရေချိုမှာပဲကျင်လည်ကျက်စားကြပြီးတော့ တစ်ခြားလိပ်မျိုးစိတ်တွေနှင့်ယှဥ်ရင်အတော်လေးပတ်ဝန်းကျင်ကိုလိုက်လျောညီထွေနေနိုင်ကြပါတယ်။ အထူးသဖြင့်သဲသောင်နှင့်ရွှံ့တွေရှိနေတဲ့ဒေသတွေမှာပိုပြီးကျင်လည်ကြပါတယ်။ သဲသောင်တွေမှာမြုပ်နေပြီးတော့သားကောင်ဖြစ်သူကိုစိတ်ရှည်လက်ရှည်စောင့်မျှော်တတ်ကြတဲ့မုဆိုးလေးတွေလည်းဖြစ်ပါတယ်။

ဒီအခွံပျော့လိပ်လေးတွေဟာ တစ်ခြားလိပ်တွေလိုပဲ ကုန်းပေါ်မှာဥဥပြီးတော့နေရောင်ခြည်ကနေတစ်ဆင့်ဥပေါက်အောင်လုပ်ကြပါတယ်။ တစ်ခါဥရင် အလုံးသုံးဆယ်ကျော်ဥနိုင်ပြီးတော့ အကောင်ပေါက်ဘဝကနေအရွယ်ရောက်တဲ့အကောင်ဖြစ်လာတဲ့အထိ ကြီးမားတဲ့အန္တာရာယ်တွေကြုံတွေ့ကြရလေ့ရှိပါတယ်။ သဘာဝမှာတော့ အခွံပျော့လိပ်တွေဟာ အနှစ်ငါးဆယ်အထိနေထိုင်နိုင်ပြီးတော့ သက်တမ်းရှည်တဲ့လိပ်မျိုးစိတ်တွေထဲကတစ်မျိုးဖြစ်ပါတယ်။