တောင်ကိုးရီးယားရဲ့နာမည်ကြီးမင်းသားမင်းသမီးစုံတွဲဖြစ်တဲ့ ကင်ဝူဘင်းနှင့် ရှင်းမင်အာတို့ဟာတွဲလာတာ ၁၀ နှစ်ဝန်းကျင်ရှိနေပြီဖြစ်တဲ့စုံတွဲတွေဖြစ်ပါတယ်။ နှစ်ယောက်သားဟာအသက်ကွာတဲ့ မမနှင့်မောင်လေးအတွဲဖြစ်ပေမဲ့ စတွဲကတည်းကနေအတော်လေးအဆင်ပြေပြီးတော့ ပရိတ်သတ်တွေသဘောတူခဲ့ကြတဲ့အတွဲလေးဖြစ်ပါတယ်။ ကြော်ညာရိုက်ကူးရေးကနေတစ်ဆင့်စတင်ခဲ့တဲ့အချစ်ရေးဟာအခုချိန်ထိလက်တွဲမြဲနေတာကြောင့်လည်း ပရိတ်သတ်တွေကနှစ်ယောက်သားကိုအများကြီးအားပေးနေကြတာပါ။
ရှင်းမင်အာဟာလည်း ကင်ဝူဘင်းကင်ဆာရောဂါခံစားနေရချိန်မှာ အနုပညာအလုပ်တွေကနေတောင်ခေတ္တအနားယူပြီးတော့ ပြုစုပေးခဲ့တာဖြစ်ပါတယ်။ ရောဂါသက်သာပျောက်ကင်းမှ နှစ်ယောက်လုံးအတူတူအနုပညာလောကကိုပြန်ဝင်လာပြီးဒရာမာတွေရိုက်ကူးခဲ့ကြတာဖြစ်ပါတယ်။ နှစ်ယောက်လုံးဟာ လူထုရှေ့မှာပေါ်တင်ချပြပြီးတွဲတာမျိုးမရှိပေမဲ့ မကြာခဏနိုင်ငံခြားခရီးစဥ်တွေမှာအတူဒိတ်ကြလေ့ရှိပါတယ်။
မကြာသေးခင်တုန်းက နှစ်ယောက်သားလမ်းခွဲသွားပြီဆိုတဲ့သတင်းတွေဆက်တိုက်ထွက်ပေါ်လာခဲ့ပါတယ်။ ဒါပေမဲ့မကြာခင်မှာပဲ နှစ်ယောက်သားအတူတူ Shopping ထွက်နေတဲ့ပုံရိပ်တွေကိုပရိတ်သတ်တွေကတွေ့လာခဲ့ရတာဖြစ်ပါတယ်။ ကင်ဝူဘင်းဟာ ကောင်မလေးဖြစ်တဲ့ရှင်းမင်အာဈေးဝယ်နေတာကိုစိတ်ရှည်ရှည်စောင့်နေပေးတဲ့အပြင် နှစ်ယောက်သားဟာသေချာလေးအတူရှိနေပြီး ကောလဟာလသတင်းတွေကိုဖျက်သိမ်းနိုင်ခဲ့တာဖြစ်ပါတယ်။
Bong I.T