ကုန်းမြေပေါ်ကပင့်ကူနှင့်တူလွန်းတဲ့ပုံစံရှိတဲ့ Pycnogonida မျိုးစိတ်ထဲက အကောင်ကို ပင်လယ်ပင့်ကူလို့ခေါ်ပါတယ်။ ဒီပင်လယ်ပင့်ကူတွေဟာ အရွယ်အစားအတော်လေးကြီးတယ်လို့ဆိုနိုင်ပြီးတော့ သူ့ရဲ့ခြေလက်တွေဟာ ၂၀ လက်မအထိတောင်ရှည်နိုင်တယ်လို့ဆိုပါတယ်။ လေ့လာမှုတွေအရဆို ပင်လယ်ပင့်ကူတွေဟာ ဂဏန်းနှင့် ပင့်ကူတွေနှင့်မျိုးစိတ်အတူတူဖြစ်ရာကနေ တစ်ဖြည်းဖြည်းပြောင်းလဲလာပြီးကိုယ်ပိုင်မျိုးစိတ်တစ်ခုဖြစ်လာခဲ့တာဖြစ်တယ်လို့သိရပါတယ်။
ပင့်ကူလိုမျိုးခြေလက်တွေ ၈ ချောင်းပုံမှန်ရှိပြီးတော့ ဂဏန်းတွေလိုမျိုးမာကျောတဲ့အရိုးအဆစ်တွေရှိပါတယ်။ သူတို့ရဲခြေလက်တွေဟာ ခန္ဓာကိုယ်ရဲ့အဓိကအစိတ်အပိုင်းတွေဖြစ်ပြီးတော့ အသက်ရှုတာလိုမျိုးကိုလည်းလုပ်ဆောင်ပေးကြပါတယ်။ ဒီပင်လယ်ပင့်ကူတွေဟာ ပင်လယ်ကြမ်းပြင်က အန်နီမိုးနီစ်တွေ ပိုးကောင်တွေနှင့် မှော်တွေ ရေညှိတွေကိုစားသုံးကြပါတယ်။
တစ်ခါတစ်လေမှာသူတို့ဟာ အကောင်တွေကိုတစ်ခါထဲစားသောက်တာမျိုးမလုပ်ဘဲ ကပ်ပါးကောင်လိုမျိုးကပ်တွယ်ပြီးစားကြတာလည်းရှိပါတယ်။ ပင်လယ်ပင့်ကူအမတွေဟာ အထီးတွေထက်ပိုကြီးကြပါတယ်။ သူတို့ကိုအဓိကစားသုံးတဲ့အကောင်တွေကတော့ ကြယ်ငါး ကမ်းခြေငှက်တွေနှင့် ဂဏန်းလိုမျိုးအကောင်တွေဖြစ်ပါတယ်။ ပင်လယ်ပင့်ကူတွေဟာ သဲနှင့်အရောင်တူတဲ့ခန္ဓာကိုယ်ကိုအသုံးပြုပြီးတော့ရန်သူတွေဆီကနေပုံးရှောင်တာမျိုးလည်းလုပ်တတ်ကြပါတယ်။