မင်းသားနာအင်ဝူးဟာ နာမည်ကြီးရသစုံရှိုးဖြစ်တဲ့ 2 Days 1 Night ရှိုးမှာပုံမှန်အဖွဲ့ဝင်အဖြစ်ပါဝင်နေတာဖြစ်ပါတယ်။ ဇာတ်ရုပ်အသေးလေးတွေကိုသရုပ်ဆောင်လာရင်းနာမည်ကြီးမင်းသားတစ်ယောက်ဖြစ်လာတဲ့နာအင်ဝူးဟာ ရှိုးမှာလည်းအစ်ကိုဖြစ်သူတွေနှင့် Chemistry မိတာကြောင့်အတော်လေးချီးကျုးခံခဲ့ရပါတယ်။
Marry My Husband ဒရာမာနှင့်အတော်လေးလူသိများနာမည်ကြီးသွားပြီးတဲ့နောက်မှာလည်း ဆက်ပြီးရှိုးမှာပါဝင်နေတဲ့နာအင်ဝူးဟာစစ်မှုထမ်းဆောင်ဖို့နှင့် သရုပ်ဆောင်အလုပ်တွေကိုအာရုံစိုက်ဖို့အတွက်အခုလိုမျိုးရှိုးကနေနှုတ်ထွက်သွားတာဖြစ်ပါတယ်။ နာအင်ဝူးကိုနှုတ်ဆက်တဲ့အပိုင်းကို မကြာခင်မှာရိုက်ကူးသွားမှာဖြစ်တယ်လို့သတင်းထဲမှာဖော်ပြထားပါတယ်။
နာအင်ဝူးဟာ ၁၉၉၄ ဖွားဖြစ်တာကြောင့် တောင်ကိုးရီးယားရဲ့ဥပဒေအရဆို ဒီနှစ်ကုန်လောက်မှာစစ်မှုထမ်းရမှာဖြစ်ပါတယ်။ Marry My Husband ဒရာမာအပြီးမှာ Motel California လို့ခေါ်တဲ့ဒရာမာမှာ မင်းသမီးလီဆယ်ယောင်းနှင့်အတူပါဝင်ဖို့စဥ်းစားနေတယ်ဆိုတဲ့သတင်းတွေထွက်ခဲ့ပေမဲ့ တိကျတဲ့သတင်းတော့မထွက်လာသေးပါဘူး။
Bong I.T