BTS အဖွဲ့ရဲ့အသက်အကြီးဆုံးဖြစ်တဲ့ Jin ဟာမကြာခင်မှာစစ်မှုထမ်းတာဝန်ကနေပြီးဆုံးတော့မှာဖြစ်ပါတယ်။ ကျန်တဲ့အဖွဲ့ဝင်တွေကတော့ စစ်မှုထမ်းဆောင်နေတာဖြစ်ပြီး ဂျင်ဟာသူ့တာဝန်ပြီးဆုံးပြီးနောက်ကျင်းပမယ့် ပွဲမှာ ပရိတ်သတ်အယောက်တစ်ထောင်ကိုဖက်ပေးတဲ့အခမ်းအနားလုပ်သွားမှာဖြစ်ကြောင်းကြေညာခဲ့တာဖြစ်ပါတယ်။
ဒီကြေညာမှုဟာ ဂျင်ကိုယ်တိုင်တောင်းဆိုထားတာဖြစ်ပြီး အကြာကြီးစောင့်နေခဲ့ရတဲ့ပရိတ်သတ်တွေကိုလုပ်ပေးတာဖြစ်ကြောင်းပြောခဲ့ပါတယ်။ တစ်ချို့ပရိတ်သတ်တွေကတော့ဒီအစီအစဥ်ကိုဝေဖန်မှုတွေရှိခဲ့ပေမဲ့ အများစုကတော့အတော်လေးသဘောကျနေကြတာဖြစ်ပါတယ်။
ဒီပွဲဟာ 2024 FESTA ဖြစ်ပြီးတော့ အဖွဲ့ရဲ့ပွဲဦးထွက်အထိမ်းအမှတ်အခမ်းအနားဖြစ်ပါတယ်။ ပွဲကျင်းပမှုကိုအွန်လိုင်းကနေလည်းတိုက်ရိုက်ထုတ်လွှင့်ပေးသွားမှာဖြစ်ပေမဲ့ Weverse Membership ဝယ်ထားတဲ့သူတွေကပဲကြည့်ခွင့်ရမှာဖြစ်ပါတယ်။ ကုမ္မဏီဖြစ်တဲ့ HYBE ကိုတော့ အခုလိုစီစဥ်မှုတွေအတွက်ဝေဖန်နေကြပြီးတော့ နှစ်နှစ်ကြာမှ ပရိတ်သတ်ရှေ့ကိုပြန်ရောက်လာမယ့်ဂျင်ကိုကြိုဆိုနေကြပါတယ်။
Bong I.T