မျက်နှာထားဆိုးဆိုးနှင့်ဖားမျိုးစိတ်တစ်ခုဖြစ်တဲ့ Black Rain Frog ဟာ သူ့ရဲ့ရုပ်ဆိုးတဲ့မျက်နှာထားကြောင့်နာမည်ကြီးတဲ့ဖားမျိုးစိတ်တစ်မျိုးဖြစ်ပါတယ်။  အနက်ရောင်နှင့် မီးခိုးရောင်ဖျော့ရှိတဲ့ဒီဖားမျိုးစိတ်တွေဟာ အာဖရိကတောင်ဖက်ကမ်းရိုးတန်းကတောအုပ်တွေထဲမှာနေထိုင်ကြတဲ့အကောင်လေးတွေဖြစ်ပါတယ်။  သူတို့ရဲ့မျက်နှာထားဟာ တစ်ခြားမျိုးစိတ်တွေနှင့်မတူဘဲအတော်လေးမဲ့ရွဲ့နေတာကြောင့် ရုပ်ဆိုးတဲ့ဖားအဖြစ်နာမည်ကြီးပါတယ်။

Angry Avocado လို့ချစ်စနိုးအခေါ်ခံရတဲ့ဒီဖားလေးတွေဟာ မျက်နှာထားဆိုးနေရတဲ့အကြောင်းရင်းရှိပါတယ်။ ဒီဖားတွေဟာ ကျင်းတူးပြီးနေထိုင်တဲ့အလေ့အကျင့်ရှိတာကြောင့် မျက်နှာနဲ့ပဲကျင်းကိုတူးကြတာဖြစ်ပါတယ်။ အာဖရိကရဲ့ပင်လယ်ရေမျက်နှာပြင် ပေ ၃၃၀ ကျော်ပေါ်မှာကျင်းတူးပြီးနေတဲ့ဒီအကောင်လေးတွေဟာ ကျင်းနက်နက်တူးလေ မျက်နှာကပိုပြီးရုပ်ဆိုးလေလေဖြစ်တယ်လို့ဆိုပါတယ်။

ဒါကြောင့် အနက်ရောင်မိုးဖားတွေအတွက်တော့ ရုပ်ဆိုးနေတဲ့မျက်နှာဟာသူတို့ကြိုးစားမှုရဲ့သင်္ကေတတစ်ခုလည်းဖြစ်ပါတယ်။ သူတို့ရဲ့ကျောပြင်မှာတော့ မိုးရေစက်နှင့်တူတဲ့အဖြူရောင်အစက်လေးတွေရှိပြီးတော့ ဒီအကြောင်းကြောင့်လည်း အနက်ရောင်မိုးဖားလို့နာမည်တွင်နေတာဖြစ်ပါတယ်။