Winner အဖွဲ့ဝင် Song Mino ဟာမကြာသေးခင်ကမှ စစ်တပ်မှာလူမှုလုပ်သားအနေနှင့်တာဝန်ထမ်းဆောင်နေတာဖြစ်ပါတယ်။ စစ်မှုထမ်းနေစဥ်မှာ ဆိုရှယ်မီဒီယာတွေမသုံးတာကြောင့် သူ့ရဲ့လှုပ်ရှားမှုတွေကို တွေ့ရလေ့မရှိပေမဲ့ မကြာသေးခင်ကထွက်ပေါ်လာတဲ့ပုံမှာတော့ မီနိုဟာ ပရိတ်သတ်တွေမမှတ်မိလောက်အောင်ကိုပြောင်းလဲနေတာဖြစ်ပါတယ်။ 

မီနိုဟာ စစ်မှုထမ်းဆောင်ဖို့ဆေးစစ်တဲ့အချိန်မှာ ကင်းလွတ်ခွင့်ရခဲ့တာဖြစ်ပြီး အခြေခံလေ့ကျင့်မှုကိုလည်း မလုပ်တာကြောင့် အခုလိုမျိုးဆံပင်ရှည်ထားလို့ရနေတာဖြစ်ပါတယ်။ ထွက်လာတဲ့ပုံထဲမှာ မီနိုဟာ ပုခုံးကျော်တဲ့ဆံပင်ရှည်အပြင် မျက်နှာမှာပါ အမွှေးအမျှင်တွေရှိနေတာကြောင့် ရုပ်ပြောင်းသွားသလိုဖြစ်နေခဲ့တာပါ။

မီနိုဟာ အိုင်ဒေါ Rapper တွေထဲမှာ  Underground အနုပညာရှင်တွေအသိအမှတ်အပြုဆုံးရက်ပါတစ်ယောက်ဖြစ်ပြီးတော့ Show me the Money လိုမျိုးပြိုင်ပွဲမှာတောင် ဒိုင်လုပ်ခဲ့တဲ့သူဖြစ်ပါတယ်။ အစောပိုင်းမှာ စစ်မှုထမ်းဆောင်မှုကြောင့်ဝေဖန်မှုတွေအများကြီးခံခဲ့ရတဲ့ မီနိုဟာအခုဆိုရင် စိတ်ပိုင်းဆိုင်ရာမှာ ပိုပြီးကောင်းမွန်လာပုံရတယ်ဆိုပြီး ပရိတ်သတ်တွေက ပျော်နေကြတာဖြစ်ပါတယ်။