ကိုယ့်ကိုအန္တာရာယ်ဖြစ်‌စေမှသာ အဆိပ်ထုတ်တတ်တဲ့ ချစ်စရာငါးမျိုးစိတ်

Mandarin fish များကို အင်ဒို-ပစိဖိတ်ဒေသရှိ ပူနွေးသောပင်လယ်ရေပြင် ၊ Ryukyu ကျွန်းစုများမှ ဩစတေးလျအထိ အများအားဖြင့် တွေ့နိုင်ပါတယ် ။ ရေငန်နေငါးတစ်မျိုးဖြစ်ပြီး Callionymidae မျိုးစိတ်အဖွဲ့ဝင် သေးငယ်၍ အရောင်တောက်သော အဏ္ဏဝါငါးမျိုးစိတ် တစ်မျိုးပဲဖြစ်ပါတယ်။ သန္တာကျောက်တန်းများအနီးတွင် နေထိုင်ကြပြီး ကမ်းရိုးတန်း ၊ ပင်လယ်ရေအောက် အနက် မှာ ရှိသော သန္တာကျောက်တန်း များကိုပို၍ နှစ်သက်ကြပါတယ်။ 

တောက်ပသော အပြာရောင်အရေပြားပေါ်တွင် လိမ္မော်ရောင်အစင်းကြောင်းများရှိပြီး မျက်နှာမှာ အပြာရောင်နှင့် စိမ်းပြာရောင် အစင်းကြောင်းများပါရှိပါတယ်။ ကြီးမားသော ရေယက်တောင်များ ရှိကြပြီး အမြီးမှာ တောက်ပသော လိမ္မော်ရောင် နှင့် အပြာရောင်အစင်းကြောင်းများဖြစ်နေပါတယ်။ သန္တာကျောက်တန်းနားရှိ သေးငယ်သော ပုစွန်စိတ်လေးများ နဲ့ ကျောရိုးမဲ့သတ္တဝါငယ်လေးများကို အဓိကစားသုံးပြီး မန်ဒရင်းငါးများသည် ပျမ်းမျှအရွယ်အစား ၆ စင်တီမီတာ ခန့်သာရှိသောကြောင့် အလွန်သေးငယ်သော ငါးမျိုးစိတ်တစ်မျိုးသာဖြစ်ပါတယ်။

အကြေးခွံများမပါရှိဘဲ စူးရှသောအနံ့ ၊ အဆိပ်အတောက်‌ဖြစ်စေသော အကျွဲအချွဲများပါရှိပြီး 10 နှစ် မှ 15 နှစ် ထိ ရှင်သန်နိုင်ကြပါတယ်။ အလှမွေးငါးများအဖြစ် လူသိများပြီး ဖမ်းဆီးမွေးမြူခြင်းများကြောင့် ‌မန်ဒရင်းငါးအရေအတွက်များ သိသိသာသာ လျော့နည်းလာခဲ့ပေမဲ့ မျိုးသုန်းပျောက်ကွယ်မှု အန္တာရာယ်တော့ မရှိသေးဘူးလို့ UNESCO ကဆိုပါတယ်။ ကိုယ့်ကို အန္တာရာယ်မဖြစ်စေရင် တိတ်ဆိတ်ပြီး ဖော်ရွေတတ်တဲ့ မန်ဒရင်းငါးလေးတွေဟာ သူ့ကိုအန္တာရာယ်ဖြစ်စေမယ်ဆိုရင်တော့ အကျိအချွဲ နှင့် ဆူးတောင်များကို ထုတ်၍ကာကွယ်တတ်ကြပါတယ်တဲ့။