သူငယ်ချင်းဖြစ်သူတွေရဲ့ သီချင်းတွေကိုအကြိုက်ဆုံးအဖြစ်ရွေးခဲ့တဲ့ Astro အဖွဲ့ဝင် Cha Eun Woo

Cha Eun Woo ဟာမကြာသေးခင်က တစ်ကိုယ်တော်အယ်လ်ဘမ်နှင့် ပထမဆုံးအကြိမ်တစ်ကိုယ်တော်အဆိုတော်အဖြစ်ပွဲဦးထွက်ခဲ့ပါတယ်။ အယ်လ်ဘမ်ရဲ့ပရိုမိုးရှင်းအတွက် Spotify အစီအစဥ်ကိုသွားရင်း သူအကြိုက်ဆုံးသီချင်းသုံးပုဒ်ကိုရွေးချယ်ခဲ့တာပါ။

ပထမဆုံးတစ်ပုဒ်ကတော့ Viviz ရဲ့ Maniac  ပါ။  Viviz အဖွဲ့ဟာ G Friend အဖွဲ့ဝင်သုံးဦးပါဝင်တဲ့အဖွဲ့ဖြစ်ပြီးတော့ အဖွဲ့ဝင်တွေဟာ Cha Eun Woo နှင့်ရင်းနှီးတဲ့သူတွေဖြစ်ပါတယ်။ ဒုတိယတစ်ပုဒ်ကိုတော့ Seventeen ရဲ့  Super ကိုရွေးချယ်ခဲ့တာပါ။ Seventeen အဖွဲ့ဟာလည်း Cha Eun Woo နှင့်အများကြီးရင်းနှီးတဲ့အဖွဲ့ဖြစ်ပြီး Mingyu ဆိုရင် Cha Eun Woo နှင့်အတူတူလည်ပတ်သွားလာလေ့ရှိသူဖြစ်ပါတယ်။

နောက်ဆုံးတစ်ပုဒ်ကိုလည်း Eun Woo ဟာ သူငယ်ချင်းဖြစ်တဲ့ Jungkook ရဲ့  3D သီချင်းကိုပဲရွေးချယ်ခဲ့တာပါ။ Eunwoo ဟာ သူအကြိုက်ဆုံးအဖြစ် သူငယ်ချင်းဖြစ်သူတွေရဲ့သီချင်းတွေကိုပဲ ရွေးချယ်ခဲ့တာကြောင့် ပရိတ်သတ်တွေကြားမှာ စံပြသူငယ်ချင်းကောင်းပဲဆိုပြီးနာမည်ကြီးနေတာဖြစ်ပါတယ်။